Akhir Lusono

Akhir Lusono (lair ing Gondang, Ngawis, Gunung Kidul, Yogyakarta dina Minggu 25 Oktober 1970). Dhèwèké putra saka pasangan Yatmo Taruna (lair 1927) karo Rubiyem (lair 1937). Wong tuwané kalebu tekun ibadahè saéngga anaké uga kadhidhik ing babagan agama Islam kanthi apik sarta nduwèni kapribadèn kang teguh.

Pawiyatan

Akhir Lusono banjur nutukaké pawiyatan kanthi cara sinau sinambi makarya. Siji mbaka siji pendhidhikané bisa kaleksanan kanthi lancar. Dhèwèké lulus SD ing Gondang taun 1984, SMP taun 1987, SLTA taun 1990, Diploma I Kepariwisataan ing STIE Gadjah Mada (saiki jenengé STIE Megar Kencana), Diploma III Jurusan Téater ing ISI Yogyakarta, jurusan Téater taun 1998. Sakliyané iku uga naté mèlu kursus ing LPK Gadjah Mada lan pawiyatan kewartawanan.

Kulawarga

Sabubaré lulus ISI Yogyakarta, Akhir Lusono krama Kenya pilihané ya iku Marfuanna kang lair 27 April 1970. Anggoné krama kaparingan putra siji lanang kang diwènèhi jeneng Muhammad Ramadhani Lazuard Amroe Zatti, nanging kapundhut déning Gusti Allah. Tanggal 1 Novèmber 2000 pinaringan putri kembar kang jenengé Sallsabillia Amiyard Siwi lan Salsabilla Amiyard Siwi. Akhir Lusono lan kulawargané manggon ana ing Kauman, GM I/72 Yogyakarta.