Pakunjaran Alcatraz

Pakunjaran
(Kaelih saka Alcatraz (penjara))

Alcatraz ya iku pakunjaran kang manggon ing teluk San Francisco tlatah California, Amérikah Sarékat. Pakunjaran iki dibukak ing taun 1850 kanggo kaprelunan militèr. Pakunjaran iki kawentar kanthi jeneng  “The Rock” lan "America’s Devil Island" iki dunungé 2 kilomèter saka pesisir laut. Pulo  iki akèh watu kang ambané kurang luwih 9 hektar. Pulo iki sethitik wit-witané lan minangka papan urip manuk laut.[1]

Sesawangan pakunjaran Alcatraz

Sejarah besut

Pulo Alcatraz sepisanan disambangi dening Juan Manuél de Ayala ing 1775 banjur dijenengi Isla de los Alctraces kang tegese manuk pelikan.[2] Jeneng iki diwènèhaké amarga  akeh manuk pelikan kang urip ing kana. Bangunan ing pulo iki diyasa ing taun 1910-1912. Ing taun 1949 pulo iku di dol marang pamerèntah Amèrikah Sarékat. Ora suwé, saka prastawa iku, pamerèntah Amèrikah Sarékat mbangun mercusuar kang sepisanan ing pulo iku. Pirang-pirang taun wis lumaku, kira-kira taun 1860-an pulo iki dadi benteng pertahanan nagara Amèrikah Sarékat. Nalika  12 Oktober 1933, Kementerian Kehakiman Amèrikah Sarékat ngerenovasi lan nggulawentah  banjur didadekaké pakunjaran ing tengahing samodra. Pakunjaran Alcatraz iki wiwitané dibangun kanthi ancas pakunjaran militèr .Gedhung iki resmi dipigunakaké ing tanggal 11 Agustus 1934. Ana ing taun 1934 bangunan iki dadi pakunjaran federal. Dununge pakunjaran iki ing tengahing banyu laut kang banyuné atis lan banter miliné ing Teluk San Francisco. Pakunjaran Alcatraz dipigunakaké dadi panggon paukuman kanggo narapidana kelas abot sing ora bisa diukum ing pakunjaran federal biasa. Wayah dipigunakaké, pakunjaran iki naté diisi gunggungé 1.576 narapidana saka manéka werna tlatah. Ana ing papan iki uga ana omah kanggo juru jaga pakunjaran utawa sipir. Alcatraz ditutup ing tanggal 21 Maret 1963. Saiki pakunjaran iku dadi musiyum lan obyèk pariwisata ing San Francisco.[3]

Prastawa wigati besut

 
Sèl ing jero pakunjaran Alcatraz

Ana 36 wong sing naté njajal lumayu saka pakunjaran lan nglakoni 14 pancoban lunga ing 29 taun pakunjaran iku. Salah sawijining pancoban lumayu paling kawentar iku kadadeyan ing sasi Mei 1946 kang kawentar kanthi sesebutan "Battle of Alcatraz". Masiyo pancoban iki ora lulus ananging rong sipir lan telung  narapidana tewas saka kadadeyan iku. Pungkasané narapidana kang dadi uteg lunganing  wong-wong iku diwènèhi piukuman mati. Narapidana iku banjur dièksekusi.

Salah sawijining usaha lumayu liyané kadadeyan ing tanggal 11-12 Juni taun 1962 nalika telung narapidana  sing jenengé Clarence Anglin, John Anglin, lan Frank Morris lumayu saka papan panggonan iki. Wong telu iku lunga nganggo gétèk kang digawé dhéwé. Ananging nasib wong telu iki ora dimangerténi nganti saiki. Ing taun 1950-an pakunjaran iki dadi ora misuwur amarga bayaran operasional kang larang. Ing sasi Maret taun 1964, sakelompok Sioux utawa suku asli Amerika ngakoni minangka pulo kasebut dadi duwèké adhedasar prajanji 100 taun kapungkur.[4] pangakonan suku iku ora digagas nganti sasi Novèmber taun 1969, ngenani 89 suku asli nyesulihi "American Indian Movement" (AIM) sing manggon ana ing Alcatraz. Dhèwèké ana ing kana nganti taun 1971 dipeksa metu dening otoritas federal.

Pèranganing wangunan besut

Penjara Alcatraz  kasusun saka telung jobin kang dipara patang blok yaiku kantor kepala pakunjaran, papan sambaing, perpustakaan lan tukang cukur rambut. Sèl narapidana dawané 2,7 mèter, ambané 1,5 mèter lan dhuwuré 2,1 mèter. Wong kulit ireng dipanggonaké ing papan kang beda amarga asring oleh parundhungan rasial. Blok-D ditepungi minangka papan kanggo narapidana kang kelakuwané paling èlèk. Blok iki duwé limang kamar isolasi kanggo penjahat.

Rujukan besut

  1. Redaksi. "Alcatraz Island". Britannica. Dibukak ing 2019-12-31.
  2. Redaksi. "Alcatraz History". Alcatraz History. Dibukak ing 2019-12-31.
  3. Hardoko, Ervan (2018-03-21). "Hari Ini dalam Sejarah: Penjara Alcatraz Berhenti Beroperasi". Kompas. Diarsip saka asliné 2022-10-27. Dibukak ing 2019-12-13.{{cite web}}: CS1 maint: bot: original URL status unknown (link)
  4. Yulianingsih, Tanti (2017-03-21). "21-3-1963: Penjara Bereputasi Angker Alcatraz Ditutup". Liputan 6. Diarsip saka asliné 2019-12-31. Dibukak ing 2019-12-31.{{cite web}}: CS1 maint: bot: original URL status unknown (link)