Alessandro Volta

Alessandro Volta ya iku ahli fisika kang misuwur ing Italia.[1] Dhèwèké lair tanggal 18 Fèbruari 1745 ing Como, Lombardio, Italia.[1] Dhèwèké duwé dulur cacah sanga kang sekabehane lumebu biara, kejaba Volta.[1] Nalika isih cilik, Volta dianggep anak kang bodho lan duwé kekurangan.[1] Dhèwèké bisa ngomong nalika umur patang taun.[1] Ora ana kang nyangka yèn Volta duwé kaluwihan nalika nganjik diwasa.[1] Volta malah duwé kekerepan yèn dhèwèké bakal dadi ahli fisika nalika umuré 14 taun. Amarga mempenge anggoné sianu, pungkasane Volta kasil dadi salah sawijining Iluwan kang disegani déning akèh wong.[1] Ing taun 1786, Luigini Galvani, kancane Volta lan sawijining ahli fisika, nindakaké eksperimen marang sikil kodhok kang ditali nganggo tali tembaga.[1] Nalika sikile kodhog nyenggol wesi, kanthi otomatis sikile mau obah.[1] Anane kedadeyan mau, mula Galvani duwé panyaruwe manawa daging kodhok ngandhut listrik.[1] Kesimpulan mau ora langgsung ditampa déning Volta.[2] Dhèwèké banjur ngupaya kanggo mbuktekake kebenaran mau.[2] Asile, nalika taun 1794 utawa wolung taun sawisé kedadeyan mau, Volta éntuk kesimpulan saka percobaane.[2] Volta kandha yèn anané listrik mau dudu saka daging kodhok nanging saka tembaga mau.[2] Anane kedadeyan iki, nyebabake anané padon antarané wong kang ngnut Volta karo wong kang padha nganut Galvani nganti enem taun suwéné.[2] Banjur ing taun 1800, Volta kasil anggoné nemu batre.[2] Penemuan iki banjur bisa ngalahake teorine Galvani lan bisa bubarake padone mau. Alessandro Volta tinggal dunya nalika umuré 82 taun tanggal 5 Maret 1827 ing Como.[2]

Alessandro Volta

Cathetan suku besut

  1. a b c d e f g h i j [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 23]
  2. a b c d e f g [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 24]