Angklung Caruk

Angklung Caruk minangka piranti kasenian khas Banyuwangi. Angklung iki racaké dimainaké kanggo nguji ketrampilané sing main. Kasenian iki dadi saya ramé amarga anané panyengkuyungé penonton kang tinanggenah minangka suporter.

Banyuwangi

Sajarah

Seni Angklung Caruk asalé saka jinis kasenian Legong Bali. " Caruk " ana ing basa Using tegesé " temu ". Tembung lingga iku diucapake " Kecaruk " utawa " ketemu ". tembung " Angklung Caruk " tegesé ya iku rong golongan kasenian angklung kang tinemu ana ing sakpanggung, utawa adu kepinteran mainaké piranti musik mawa laras pelog iku, kanthi nganggo iringan tembang Banyuwangian tujuané ya iku kanggo ngrebutaké gelar dadi group kasenian angklung kang paling apik. Ana ing angklung caruk iki ora ana aturan kang baku lan katulis nanging kaloro kelompok kesenian iku wiwit puluhan taun kapungkur wis paham ngenani aturan kang wis dadi kesepakatan. Amarga prakara mau iku kang ndadèkaké ora ana kang main cures , lan ora nesunalika olèh respon kang sithik saka penonton. Kecepetan irama musik lan lagu-lagu kang dimainake kadayan déning nuansa musik angklungritmis saka Bali. Nanging ana ing kesenian iki uga ana perpaduan antarané nada lan gamelan slendro saka Jawa kang nglahirake kreativitas estetik. Ana ing pertunjukan seni angklung caruk uga disajikake jogèd kang racaké dimainake déning penari lanang. Jinis-jinis jogèd mau kaya jogèd jangeran, jogèd gandrungan, cakilan, jogèd kuntulan, lan jogèd daerah Blambangan. Instrumen musik angklung caruk ya iku saka angklung (rong unit angklung), kendhang (loro), slenthem (loro), saron (loro), peking (loro), kethuk (loro), lan gong (loro).