Buta Cakil ing babon kitab [[Mahabarata]] utawa [[Ramayana]] ora diketemukake paraga iki. Tahun yasa paraga wayang iki ditengeri kanthi [[candrasengkala]] [[''Tangan Yaksa Satataning Janma'']] utawa taun [[1552]] [[Çaka]] yèn dikonversi taun masehi dadi [[1630]] [[Masehi]] jaman [[Mataram]] ing mangsa pemerintahan [[Sultan Seda Krapyak]].<ref name="buku3">{{id}} Sena Wangi. ''Ensiklopedi Wayang Indonesia''. Jilid Dua. Jakarta. (1999:352)</ref>.
== Perang Kembang ==
[[Perang kembang]] utawa [[Perang Bègal]] iku perang tandhing ing antarané Buta Cakil lawan satriya bambangan. Ing pagelaran wayang kulit purwa, perang tandhing iki didhisiki [[gara-gara]. Nalika ketemu cakil, satria bambangan iku takon-takonan [[saur manuk]]. Buta Cakil ngotot déné sang satriya kudu sumingkir saka tlatah kono. Amarga nginggati pakon Buta Cakil, loro-lorone banjur perang. Wusanane perang kembang dimenangake Sang Satriya, Buta Cakil mati ing pucuk curigane dewe.<ref name="buku2">{{id}} Sena Wangi. "Ensiklopedi Wayang Indonesia". Jilid Dua. Jakarta.(1999:351)</ref>. [[Perang kembang]] lumaku ing wayah lingsir wengi, perang iki minangka lambang manungsa kang mulai ngidhak kadhéwasan.<ref name="buku5">{{id}}Hermawati, dkk. "Wayang Koleksi Museum Jawa Tengah". Semarang.(2006: 22).</ref>
