Anggrèk: Béda antara owahan

'''Suku anggrèk-anggrèkan''' utawa '''Orchidaceae''' iku [[familia|suku]] [[tetanduran ngembang]] kanthi anggota jinis paling akèh. Jinis-jinisé kasebar wiyar saka laladan tropika teles tekan wewengkon sirkumpolar, senadyan sebagéyan gedhé anggotané ditemokaké ing laladan tropika. Akèh-akèhé anggota suku iki urip minangka [[epifit]], utamané sing asalé saka laladan tropika. Anggrèk ing laladan iklim sedheng biasané utip ing lemah lan mbentuk umbi minangka cara adaptasi marang [[usum adhem]]. Organ-organé sing umumé kandel lan "ndaging" (sukulen) marakaké tahan ngadhepi tekanan sumadyaning [[banyu]]. Anggrèk epifit bisa urip saka embun lan udharaudara lembab.

Anggota suku iki umumé nduwèni organ-organ sing [[sukulen]] utawa "ndaging": kandel kanthi kandhutan banyu sing dhuwur. Mila bisa urip ing kaanan banyu sithik. Banyu diantuki saka udan, embun, utawa uap banyu ing udharaudara. Nanging, senadyan mangkono, anggrèk ora ditemokaké ing laladan ara-ara amarya pangoyotané ora intensif. Anggrèk seneng cahya [[srengéngé]] nanging ora langsung saéngga anggrèk biasa ditemokaké ing alam minangka tetanduran njogan alas utawa ing sangisoring naungan. Minangka tetanduran hias, anggrèk tahan ing njeron ruwang.