'''CritaCarita cindek''' atawa ''cindek'' kien jinis sastra tulis ning wewengkon Cerbon-Dermayu kang duwé teges ora adoh séjén sing cerpén ning basa Indonésia. Ukuran cindek ning kéné ditegesi minangka: olih diwaca sepisan sambi ndodok ning wektu kurang sing sejam. Séjéné kang utama ana ning basa. Cerpén nganggo basa Indonésia, yényèn crita cindek nganggo basa Jawa dialék Cirebon atawa basa Jawa dialék Indramayu. Basa iku nganggo negesi idéntitas daérah ya iku basa Cerbon-Dermayu kang séjén karo basa liyané. Aran crita cindek gan ning basa Sunda disebut ''carita pondok (carpon)''. Toli ning basa Jawa disebut ''cerkak (cerita cekak)''.{{Sfn|Nugroho|2015|pp=207-208}}
Cerita péndék (cerpén) miturut Sumardjo lan Saini (1988:30) iku crita kang bentuké prosa cindek. Tembung ''pendek'' ning pérangan iki ora ceta ukurané. Diarani ''cindek'' gan karna kien mung duwé éfék tunggal, karakter, plot, lan setting kang kebates, beli akèh ragamé, lan beli kompléks.{{Sfn|Nugroho|2015|pp=207-208}}
Aran ''crita cindek (cindek)'' ning wewengkon budaya Cerbon-Dermayu iki masih anyar. Sosialisasi formal dilakonang ning jero Kurikulum 2012 Basa Cerbon-Dermayu, ya iku karo ngemanjingnang istilah ''crita cindek'' ning Kompetensi Dasar kurikulum anyar mau. Perkara anyar kien bisa dadi hal kang wajar, yényèn géokultural dirasa ora pada karo géokultural liyané lan ngupayanang kanggo nampilnang idéntitas kang mandiri. Perkara kuen gan ana ning géokultural Banyuwangi (Jawa Wétan) kang ngarani crita cindeké nganggo basa daérahé ''(Using)'' minangka ''cerita céndhek'', dudu ''cerita cekak'' (''Kompas'', 26 Désémber 2013, kaca 4).{{Sfn|Nugroho|2015|pp=207-208}}
