'''Basa pamrograman''', utawa kerep uga diistilahké kanthi jeneng [[Basa komputer]], iku tèknik komando/instruksi standar kanggo maréntah [[komputer]]. Basa pamrograman iki minangka sawijining sèt aturan [[sintaks]] lan [[semantik]] singkang dianggo ndefinisi [[program komputer]]. Basa iki ndadèkaké programmer bisa nemtokaké kanthi persis data endi singkang bakal diolah déning komputer, kepriyé data iki bakal disimpen/diteruskan, lan jinis [[algoritma|langkah]] apa kanthi persis singkang bakal dijupuk sajeroning manéka kahanan.
== Basa pamrograman ==
Komputer iku mesin singkang bisa nindakaké saprangkat printah dhasar (''instruction sèt''). Komputer mung bisa diwènèhi préntah singkang dumadi saka préntah-préntah dhasar mau. Préntah-préntah singkang luwih rumit (upamané ngurut pratélan miturut abjad) kudu diterjemahna dadi serangkaian préntah-préntah dhasar singkang bisa dimangertèni komputer (préntah-préntah singkang kalebu sajeroning ''instruction sèt'' komputer mau) singkang wusanané bisa ngrampungaké tugas singkang dikarepaké, sanadyan dilakokaké nganggo sawetara operasi dhasar, dudu sasawijining operasi rumit.
Basa Pamrograman minangka [[notasi]] singkang dipigunakaké kanggo deskripsi [[prosès komputasi]] sajeroning format singkang bisa diwaca déning komputer lan manungsa. Prosès komputasi lumrahé didefinisi kanthi formal migunakaké konsèp matematika saka [[Mesin Turing]]. Sayektiné Basa Pamrograman dirancang kanggo fasilitasi komunikasi antara manungsa karo komputer