|
[[Gambar:Begin Road, Tel Aviv-Yafo דרך מנחם בגין (16).JPG|jmpl|Kagunan]]
'''Kagunan''' iku pérangan [[kabudayan]] singkang ana gayutané karo wujud rasa apik utawa éndah. Rasa apik iku anané ing [[batin]], ing pikiran [[manungsa]]. Kagunan iku fungsiné kanggo nyaluraké rasa éndah ing pikiran, tegesé, kagunan iku prosès nyiptaaké wujud-wujud singkang ndadèkaké [[ati]] ngrasa seneng, puas, bungah kanggo memapki sisih batin/spiritual kauripan manungsa.
Sapérangan [[wong]] duwé anggepan yèn Kagunan iku mung pelengkap, Sajatiné kagunan iku wis ana kawit manungsa lair, dadi ing saben individu, jiwa kagunan iku tuwuh bareng karo èlmu sawenèh individu mau.
== Fungsi ==
Fungsi kagunan iku kanggo ngalusaké perasaan, pikiran uga watek/kepribadian, lewih lanjut kanggo ngalusaké tingkah polah utawa tingkah laku manungsa. Kasil pribadi singkang wis dibekeli rasa alus iku mengko dadi duwé sipat [[santun]], [[toleran]] lan [[wicaksana]]. Mulane kawit cilik manungsa iku wis moali dibekeli momotan kagunan upamané liwat [[tembang bocah]] saking [[biyung]]e, [[tembang]] [[Tak Lelo Lelo Lelo Ledung]] contoné, utawa saking [[dongèng]] singkang dicritaaken [[rama]]ne. Fungsi liyané kanggo numbuhke sipat [[kreatif]] mliginémligi ing bocah-bocah.
[[Dolanan]] iku donya kagunan [[bocah]] singkang terus dilakoni nganti bocah iku melebu [[sekolah]]. Pelajaran [[nggambar]] ing sekolah iku cara kanggo nuwuhaké rasa kagunan ing jiwa bocah.
== Werna-Werna Kagunan ==
* [[Sastra]], ya iku [[tembung]] silihan saka Basa [[Sansekerta]]; "''śāstra''", singkang tegesé "tulisan" utawa "buku", saka tembung dhasar "''śās-''" singkang tegesé "weruh". Ing [[basa Jawa]], tembung iki racaké dianggo ngarani "kasusastran" utawa sajinising tulisan singkang duwé arti utawa kaendahan tartamtu.
* [[Kagunan rupa]],ya iku cabang kagunan singkang wujud [[karya kagunan]]ne bisa dipirsani/disawang lan bisa diraba. Kagunan rupa iku ngolah konsèp [[garis]], [[babagan]], wujud, [[volume]], [[kelir]], [[tekstur]] lan pencahayaan singkang kabèh kudu manut aturan-aturan [[estetika]].
* [[Kagunan pagelaran]], ya iku jinising karya kagunan singkang merlokaké [[panggung]] utawa [[pelataran]] kanggo nampilké kasil [[karya kagunan]]ne.
* [[Dolanan Bocah]] ya iku arupa kagunan dolanan bocah-bocah cilik. Ing jaman saiki, dolanan mau suwéning suwé wis ora dikenal manèh, amarga kadhesek karo dolanan singkang luwih modhèren.
== Kagunan miturut Wewengkon ==
| 