Tetanduran paku: Béda antara owahan

Wanguné tetuwuhan paku manéka warna, ana kang arupawujud [[wit]] ([[paku wit]], lumrahé ora ana cawangé), [[epifit]], ngambang ing banyu, [[hidrofit]], nanging lumrahé arupawujud [[terna]] mawa [[rizoma]] kang nggremet ing [[lemah]] utawa [[humus]] lan [[ental]] ([[basa Inggris]] ''frond'') kang nyangga [[godhong]] kanthi manéka ukuran (nganti 6 m). Ental kang isih enom mesthi nggulung (kaya gagang piyul) lan dadi sawijining ciri kas tetuwuhan paku. Godhong pakis mèh mesthi [[godhong majemuk|godhongé majemuk]]. Asring ditemoni tetuwuhan paku ndhominasi vègetasi sawijining papan saéngga minangka belukar kang wiyar lan ngesuk tetuwuhan liyané.

Dhaur urip tetuwuhan paku nepungi [[pagiliran keturunan]], kang kapérang saka rong fase utama: [[gametofit]] lan [[sporofit]]. Tetuwuhan paku kang gampang dideleng arupawujud wangun fase [[sporofit]] amarga ngasilaké [[spora]]. Wangun génerasi fase gametofit dijenengi '''protalus''' (''prothallus'') utawa '''protalium''' (''prothallium''), kang awujud tetuwuhan cilik wujud lembaran warna ijo, mèmper lumut ati, ora duwé oyot (nanging duwé [[rizoid]] minangka panggantiné), ora duwé watang, ora duwé godhong. Prothallium tuwuh saka spora kang tiba ing papan kang lembab. Saka prothallium tuwuh '''anteridium''' (''antheridium'', organ pangasil ''spermatozoid'' utawa sèl kelamin lanang) lan '''arkegonium''' (''archegonium'', organ pangasil ''ovum'' utawa sèl endhog). Pambuahan mutlak merlokaké pambiyantu banyu minangka medhia spermatozoid pindhah nuju arkegonium. Ovum kang wis dibuahi tuwuh dadi [[zigot]], kang yèn wis tekan titi wanciné tuwuh dadi tetuwuhan paku anyar.

Smith et al. (2006)<ref>[http://www.pryerlab.net/publication/fichier749.pdf ] Smith AR, Pryer KM, Schuettpelz E, Korall P, Schneider H, Wolf PG 2006. A classification for extant ferns. Taxon 55:705-731.</ref> ngajokaké révisi kang cukup kuwat dhedhasar data [[morfologi tetuwuhan|morfologi]] lan [[biologi molekular|molekular]]. Adhedasar klasifikasi paling anyar iki, [[Lycophyta]] ([[rane]], [[paku kawat]], lan ''Isoetes'') arupawujud tetuwuhan mawa pembuluh kang pisanan kapisah saka liyané, éwadéné paku-pakuan sarta tetuwuhan wiji ana ing golongan liya. sabanjuré katon yèn kabèh kormofita duwé spora kang kasisa kagabung sajeroning saklompok gedhé, kang patut ditelakaké minangka anggota divisio tetuwuhan paku (Pteridophyta). Saka asil révisi iki uga katon yèn sapérangan paku-pakuan kang biyèn dianggep paku primitif (kaya ta ''Psilotum'') nyatané luwih cerak kekerabatané karo [[paku tunjuk langit]] (''Helminthostachys''), sauntara [[paku buntut jaran]] (''Equisetum''') padha ceraké karo paku sajati marang ''Marattia''.