Sajeroning ulah raga [[bal-balan]], '''Bèkbèg''' iku juru main kang posisiné ana ing mburi para [[gelandang|glandhang]] lan tugasé njurung marang tugas [[Kiperkiper]] kanggo nyegah supaya bal ora mlebu gawang.
Ana sawetara jinis bèkbèg, ya iku: [[bèk tengah|bèg tengah]], [[bèk sayap|bèg sayap]] (''full back''/''wing back''), lan [[libero]] (''sweeper''). Para bèkbèg lumrahé awaké gedhé lan rosa, lan racaké dedegé uga dhuwur, sanadyan ana uga bèkbèg kang dedegé cendhèk nanging suksès (racaké bèkbèg sayap kang ora pati mbutuhaké dedeg kang dhuwur). Kabèh bèkbèg kudu pinter main tèkel (''tackle'') lan perlu duwé keahlian panguwasaan bal kang cukup apik.
Para bèkbèg racaké njaga ing paruh lapangan dhéwé. Bèk kang dhuwur kadhang maju mangarep menyang kothak penalti tim mungsuh wektu tim-é ngayahi [[tendhangan pojok]] utawa [[tendhangan bébas]] awit ana kamungkinan nyétak gol kanthi sundhulan [[sirah]].
