SMP N 1 Wringinanom Gresik

SMPN 1 WRINGINANOM GRESIK

Minangka salah sijine sekolah Adiwiyata ing kutha Gresik, SMPN 1 WRINGINANOM nduwé tanduran sing ijo royo-royo ing sakiwa tengene latar sekolah. Salah sijine tanduran Pelem. Ana pelem Gadhung, Pelem Kol sing bunder2 kaya Kol , Pelem Podhang sing yen mateng abang kaya manuk Podhang, ana uga pelem Manalagi.

Wit Pelem iki tinandur rata ngubengi plataran sekolahan, ing latar ngarep ana 2 wit pelem Gadhung sing gedhé lan ngrembuyung, ing latar wétan ngarep klas VII C ,D ana pelem Kol, uga ing latar kulon ngarep klas IX C, D uga  ing latar mburi ngarep Kopsis. Dene ing latar tengah ngarepe kls VIII E , F , G ana wit Pelem Gadhung uga, sarta latar paling mburi cedhak Kantin tinandur pelem Manalagi.

Pelem-pelem iki yen wayah nguwoh, uwohe jan akeh banget, yen diundhuh bisa panèn kwintalan.

Kanggo ngawekani panenan sing akèh mau, murid- murid dijak manfaataké uwoh pelem sing rada awet tinimbang dipangan apa anane.

Carane kepriye? Yaiku sarana nggawé jenang lan Sele pelem. Pelem sing kemampo di panèn, dionceki, banjur diparut, parutan pelem digodhog karo gula kaya yen nggawé jenang gula, semono uga Sele.

Kanthi digawe jenang lan Sele mau woh pelem bisa digunakaké luwih awèt ora nganti bosok, kaya yen diumbar dienteni matenge.

Pelok-pelok mau dijupuki isine, dadi ya rada sara, kudu nyukili pelok sing atos, yen ora ngati-ati bisa bilahi kena ladinge. Isi pelok mau rasane rada pait lan getir.

Sawisé dicukili, pelok-pelok mau banjur diparut. Kanggo ngilangi rasa pait lan getir , parutan mau diperes nganti apuh . Yen wis apuh banjurdikum suwene 2 ndina 2 bengi, sasuwene ngekum kita kudu tlaten ngganti banyu kum- kuman mau, kira-kira saben 8 jam sepisan. Dadi yen rong ndina rong bengi  perlu ping 6 ngganti banyu. Sawisé  silingan banyu pungkasan (ka 6)lagi bisa digawe jenang lan Sele.

Dene kulité pelok , diresiki, dipépé lan dimanfaataké kanggo kerajinan arupa dompet koin utawa gantungan kunci. Kanthi mangkene woh pelem bisa dimanfaataké kabeh. Wiwit kulité kanggo rabuk, dagingé bisa kanggo rujak , manisan apadene jenang lan sele. Dene Peloke kanggo Sele lan jenang uga , sarta kulité pelok kanggo hasta karya. Nuwun