'''Karaté''' (空 手 道) inggih menika salah satunggalipun [[olahragaulah raga]] saking negeri [[Jepang]].<ref name="internet2"/> Wiwitanipun karaté nggadhahi nami Tote ingkang tegesipun tangan [[China]].<ref name="internet2"/> Nanging seratan Tote dipunowahi ing seratan Kanji Jepang dados karaté.<ref name="internet2"/> Tegesipun karaté inggih punika [[tangan]] kosong. ''Kara'' tegesipun tangan, ''te'' tegesipun kosong.<ref name="internet2">[http://www.anneahira.com/karate-601.htm Jadi Jagoan Karate] (dipunakses ing tanggal 8 Juni 2011)</ref>
== Sejarahipun Karaté ==
Ilmu bela dhiri menika sejatosipun sampun wonten awit [[manungsa]] wonten, perkawis menika saged dipuntingali saking peninggalan purbakala kadosta: [[kapak]] [[watu]], [[lukisan]] [[kéwan]] ingkang dipunpejahi ngangge [[gaman]] kados tumbak lan panahan.<ref name="internet1">[http://www.pbforki.org/index.php?option=com_content&view=category&layout=blog&id=42&Itemid=53 SEJARAH KARATE & FORKI] (dipunakses ing tanggal 8 Juni 2011)</ref> Bela dhiri ing wekdal menika taksih nggadhahi sifat kangge njagi saking gagguanipun kéwan.<ref name="internet1"/> Nanging wiwit kathahipun tiyang ing [[donya]], gangguan saking manungsa ugi wonten saengga kathah tiyang ingkang minat ngudi [[èlmu]] bela dhiri.<ref name="internet1"/> Sampun kasebat ing [[4000]] taun kepengker, sasampunipun [[Sidhartha Gautama]] seda, lajeng para pandherekipun pikantuk amanat supados ngrembakaken [[agami|agama]] [[Budha]] ing [[alam]] donya.<ref name="internet1"/> Ananging amargi saking angelipun medhan, lajeng para pendheta dipunparingi sangu ilmu bela dhiri.<ref name="internet1"/> Misi nyebaraken agami Budha dhateng arah [[kulon|kilen]] ndherek ngrembakaken èlmu [[Pangkration]] utawi [[Wrestling]] ing [[Yunani]].<ref name="internet1"/> Misi ingkang dhateng [[kidul]] ngrembakaken pencak [[silat]].<ref name="internet1"/> Ingkang dhateng ler njelajahi negeri [[China]] ngrembakaken [[kungfu]].<ref name="internet1"/> Saking negeri [[China]] rombongan ingkang dhateng [[Korea]] ngasilaken bela dhiri ingkang samenika dipunsebat [[Taekwondo]].<ref name="internet1"/> Saking Korea pranyata rombongan menika boten saged nglajengaken lampah dhateng negeri Jepang, namung dumugi kepulauan [[Okinawa]].<ref name="internet1"/> Rombongan boten saged mlebet Jepang amargi ing wekdal menika Jepang sampun ngrembakaken ilmu bela dhiri [[Jujitsu]], [[Judo]], [[Kendo]], lan èlmu [[perang]] utawi [[Kenjutsu]].<ref name="internet1"/> Ing taun 1600-an, [[Krajaan Jepang]] sampun nguwasani Okinawa.<ref name="internet1"/> Kerajaan Jepang mrentah Okinawa kanthi tangan wesi, warganipun boten kepareng nggadhahi gaman utawi sanjata tajam, ngantos boten angsal nggadhahi [[tongkat]].<ref name="internet1"/> Kanthi boten dipunmangertosi dening pihak pamarentah kerajaan Jepang, bangsa Okinawa nyinaoni èlmu bela dhiri kanthi tangan kosong ingkang ing wekdal menika dipunparingi asma [[Tote]].<ref name="internet1"/> Saking setunggal teknik ngantos teknik sanesipun, èlmu bela dhiri menika dipunsinaoni kanthi temen lan para pendheta ndherek ngrembakaken èlmu bela dhiri menika.<ref name="internet1"/>
Salajengipun ing [[taun]] [[1921]] salah satunggalipun warga Okinawa ingkang asmanipun Gichin Funakoshi nepangaken èlmu bela dhiri saking TOTE menika ing Jepang, lajeng naminipun dipungantos dados nami karaté, manut kaliyan aksen Jepang wonten ing cara maosipun huruf [[Kanji]].<ref name="internet1"/> Awit ing wekdal menika karaté ngrembaka ing Jepang.<ref name="internet1"/>
