Getsemani (Grikenlan: ΓεσΘημανι, Gesthēmani Ivri: גת שמנים‎ , Aram גת שמנא, Gat Šmānê) iku sawijining taman ing sikil bukit Zaitun ing Yerusalem, Israèl lan dipercaya minangka papan Yésus sembayang kang pungkasan dhéwé sadurungé kakisas.

Getsemani
Ivri: גת שמנים‎ , Gat-Šmânim
Taman
Skyline of Getsemani

Ètimologi besut

Tembung Gethsemane mijil ing Injil Matius lan Injil Markus abasa Yunani minangka Γεθσημανἱ (Gethsēmani). Tembung iki asalé saka Assyria ܓܕܣܡ (Gaṯ-Šmāne), kang tegesé “piranti pameres (pangasil) lenga”. Matius 26:32 lan Markus 14:32 nyebutaké χωρἰον (kho-ree'-on) utawa “panggonan”. Injil Yohanes 18:1 nélakaké Yesus lumebu sawijining “taman” κῆπος (kēpos) bebarengan karo murid-murid Dalem.

Panggonan kusus besut

Adhedhasar Prajanjian Anyar, Taman Getsemani iku papan ing endi Yésus lan murid-murid Dalem asring sowan, kang nggampangaké Yudas Iskariot kanggo nemu Yésus nalika wengi panyekelan Dalem. Adhedhasar Lukas 22:43-44, ing kana Yésus banget girisé lan saya ngganter enggoné ndedonga. Riwéné nganti kaya getih tumètès ana ing bumi ." Kaanan iki sajeroning donya médhis ditepungi minangka hematidrosis.

Ing saceraké taman iki ana Gréja Kabèh Bangsa utawa ditepungi uga minangka "Gréja Agony", dibangun ing tilas reruntuhan gréja kang dileburaké déning pamaréntahan Sassanids ing taun 614 M lan gréja ing mangsa “Perang Salib” dileburaké nalika taun 1219. Cerak karo panggonan iki ana Gréja Ortodoks Ruslan kang jenengé Santa Maria Magdalena kanthi kubah warna emas (Byzantin/gaya Ruslan), dibangun déning kakaisaran Ruslan Alexander III kanggo ngéling-éling mendhiang ibuné.

Réferènsi besut

  • Metzeger, Bruce M.; , Michael D. Coogan (ed) (1993). The Oxford Companion to the Bible. Oxford, UK: Oxford University Press. ISBN 0-19-504645-5. {{cite book}}: |author2= has generic name (pitulung)