Kitab I Samuel iku péranganing kitab Prajanjian Lawas utawa Tanakh. Kitab iki péranganing kitab sing diarani Para Raja ing Tanakh, versi asliné ing basa Ibrani. Nanging amarga ana putusan redhaksional, banjur kitab iki dipara dadi papat:

  1. I Samuel
  2. II Samuel
  3. I Para Raja
  4. II Para Raja

Kitab I Samuel isiné sajarah Israèl ing masa alihan saka jaman Para Hakim nganti ing jaman Para Raja. Pangowahan ing urip ing Israèl iku kususé muter ing kisahé wong telu: Nabi Samuel, Raja Saul, lan Raja Dawud. Pangalaman-pangalaman Dawud ing nalikané isih timur sadurungé dadi raja, lan kekancan sing kenceng karo Samuel lan Saul.