Panémbakan Charlie Hebdo

Ing tanggal 7 Januari 2015 kira-kira jam 11.00 CET, ana wong lanang telu kang nganggo masker, lumebu kantor rédaksi kalawarti satire Prancis Charlie Hebdo ing Paris lan némbaki wong-wong kang ana ing kono. Miturut lapuran awal, ana wong 12 kang téwas lan wong 10 kang padha tatu-tatu. Insidèn iki prastawa kang fatal dhéwé ing Prancis sawisé taun 1989.

Latar wuri

Kalawarti Charlie Hebdo iku sawijining kalawarti satire saka kaum kiwa kang senengané ngritik agama lan pulitik. Sing dinyèk mula-mulané agama Katulik, mawa gambar-gambar kartun kang ora sopan. Banjur ing wanci pungkasan agama Islam kang dinyèk entèk-entèkan.