Suryadharma Ali

Drs. Suryadharma Ali MSi. (lair ing Jakarta, 19 Sèptèmber 1956; umur 67 taun) inggih punika Mantri Agama Indonésia wiwit 22 Oktober 2009.[1] Saderengipun dados mantri agama, panjenenganipun naté kadhapuk dados Mantri Nagara Koperasi lan Usaha Kecil Menengah wonten ing Kabinet Indonésia Bersatu.[1] Panjenenganipun lulusan saking Institut Agama Islam Negeri Syarief Hidayatullah, Jakarta, taun 1984.[1] Wonten ing taun 1985, Suryadharma Ali ngayahi karieripun ing PT. Hero Supermarket, ngantos dumugi taun 1999, panjenenganipun dados Deputi Direktur perusahaan ritel wau. Sanèsipun punika, Suryadharma ali ugi aktif ing organisasi ritel ing Indonésia.[1] Suryadharma Ali gadhah garwa ingkang namanipun Dra. Hajjah Wardhatul Asriah, lan patutan cacah sekawan ingkang namanipun inggih punika, (1) Kartika Yudistira, (2) Serlita Nabila, (3) Abdurrahman Sagara Prakasa, lan (4) Nadia Jesica Nurul Wardani.[1] Suryadharma Ali kapilih dados Ketua Umum Dewan Pimpinan Pusat DPP PPP periode 2007-2012 wonten ing Muktamar VI Parté Persatuan Pembangunan, Sabtu 3 Fèbruari 2007 ing Jakarta.[2]

Suryadharma Ali
Mantri Agama Rèpublik Indonésia 21
Linggih
22 Oktober 2009 – 28 Mei 2014
PrésidhènSusilo Bambang Yudhoyono
Kang sadurungéMuhammad Maftuh Basyuni
Kang sawiséLukman Hakim Saifuddin
Mantri Nagara Koperasi lan Usaha Kecil Menengah Républik Indonésia 9
Linggih
21 Oktober 2004 – 1 Oktober 2009
PrésidhènSusilo Bambang Yudhoyono
Kang sadurungéAlimarwan Hanan
Kang sawiséMari Elka Pangestu
(ad-interim)
Rerincèn dhiri
Lair (1956-09-19) Sèptèmber 19, 1956 (umur 67)
Indhonésia Jakarta, Indonésia
Bangsa Indonésia
Parté pulitikParte Persatuan Pemabangunan
SisihanWardatul Asriyah
AnakKartika Yudistira Suryadharma
Sherlita Nabila Suryadharma
Abdurrahaman Sagara Prakasa
Nadia Jesica Nurul Wardani
AgamaIslam

Karieripun Suryadharma Ali besut

Pengalaman Kerja besut

Pengalaman kerja Suryadharma:[3]

  • Ketua DPP Parté Persatuan Pembangunan (PPP)
  • Bendahara Fraksi PPP MPR RI 2004-2009
  • Ketua Komisi V DPR RI 2001-2004
  • Wiwit taun 1985-1999 nyambut damel ing PT Hero Supermarket, Tbk, ingkang pungkasan dados Deputi Direktur PT Hero Supermarket, Tbk

Pengalaman organisasi besut

Pengalaman organisasinipun:[3]

  • Aktivis Perobahan Mahasiswa Islam Indonésia (PMII)
  • Pengurus organisasi ritel Indonésia

Cathetan suku besut

  1. a b c d e Pemimpin Islamis kebangsaan Archived 2017-06-13 at the Wayback Machine.(dipunundhuh tanggal 21 Juni 2011)
  2. Suryadharma Ali Ketua Umum DPP PPP 2007-2012 Archived 2011-05-10 at the Wayback Machine.(dipunundhuh tanggal 21 Juni 2011)
  3. a b Suryadharma Ali(dipunundhuh tanggal 21 Juni 2011)

Cithakan:Kabinet Indonésia Bersatu