Wimbledon (turnamèn tènes)

Wimbledon (basa Inggris: The Championships, Wimbledon) iku sawijining turnamèn tènes pinunjul kang dianakaké ing ing ing ing sajeroning mangsa watara rong minggu ing sasi Juni utawa Juli saben taun. Turnamen iki dianakaké ing lapangan suket lan minangka salah siji saka papat turnamèn Grand Slam.

Turnamèn iki dianakaké sepisanan ing taun 1877 déning All England Lawn Tennis and Croquet Club ing Wimbledon, London, wektu iku mung ana tetandhingan nomer tunggal putra. Sabanjuré ing taun 1884, nomer tunggal putri lan gandha putra wiwit ditandhingaké. Kayadéné turnamèn Grand Slam liyané, Wimbledon mung kanggo para juru main amatir nganti éra "terbuka" diwiwiti ing taun 1968. Bab kang narik kawigatèn ya iku ora tau ana juwara saka Britania Raya sajeroning nomer tunggal putra sawisé Fred Perry dadi juwara ing taun 1936, lan ora ana juwara saka Britania Raya sajeroning nomer tunggal putri sawisé Virginia Wade dadi juwara ing taun 1977.

Lapangan mligi, Centre Court dibuka ing taun 1922 lan duwé kapasitas 14.000 penonton. Lapangan utama liyané, Court No. 1, dibangun ing taun 1997 kanggo ngganti Court No. 1 kang lawas. Kapasitasé ya iku 11.000 kursi. Kaloro lapangan utama iki mung dipigunakaké sajeroning rong minggu turnamen saben tauné. Lapangan gedhé dhéwé katelu, Court No. 2, dianggep "lapangan angker" amarga wis akèh juru main top kang kalah sajeroning babak-babak wiwitan ing lapangan mau. Kapasitasé ana 3.000 kursi.

Pemenang paling akèh

Nomer	Pemain	Gunggung
Tunggal putra	William Renshaw	7
	Pete Sampras	7
Tunggal putri	Martina Navrátilová	9
Ganda putra	Todd Woodbridge	9
Ganda putri	Elizabeth Ryan	12
Ganda campuran	Elizabeth Ryan	7
Gelar terbanyak (seluruh nomer)	Billie Jean King	20
	Martina Navrátilová	20

Trivia

• Rata-rata 42.000 bal tènes dipigunakaké lan 650 tetandhingan dimainaké ing turnamen tènes taunan ing Wimbledon

Uga delengen

• Pratélan juwara Wimbledon

Pranala njaba

• Situs resmi

Gallery

• 
  The Royal Gallery at Centre Court, Wimbledon
• 
  The Crowd at Centre Court, Wimbledon
• 
  The Centre Court, Wimbledon
• 
  The decision of In or Out with the help of Technology at Wimbledon
• 
  The longest match ever played at Wimbledon
• 
  The Wimbledon Shop
• 
  The instructions to Non Ticket Holders at Wimbledon
• 
  Wimbledon scoreboard
• 
  Wimbledon order of play
• 
  Centre Court Wimbledon 1
• 
  Wimbledon Court 1
• 
  Court 4 Wimbledon
• 
  Court 19 Wimbledon
• 
  Court 15 Wimbledon
• 
  Court 17 Wimbledon
• 
  Wimbledon Queue Bridge
• 
  Score board Wimbledon