Zhang Fei (Hanzi:張飛), kang duwé jeneng dawa Zhang Yide (張益德 / 张翼德), ya iku sadulur angkat kang paling enom saka Liu Bei lan Guan Yu.[1] Kateluné dikenal dadi panglima perang kang misuwur nalika Zaman Tiga Nagara.[1] Zhang fei uga dikenal ing novèl Kisah Tiga Nagara kang dikarang karo novelis Luo Guan Zhong.[1] Ing kalangan para Tionghoa Indonésia, Zhang Fei dikenal uga kanthi jeneng Tio Hoei.[1]

Zhang Fei kang tengah bareng karo dulure Liu Bei (kiwa) lan Guan Yu (tengah)

Biografi Sajarah besut

Zhang Fei (Zhang Yide) asalé saka laladan Zhuo.[1] Zhang Fei wis kekancan karo kancané kang jenengé Liu Bei lan Guan Yu.[1] Kateluné wiwit kekancan nalika isih enom.[1] Guan Yu kang luwih tuwa dadi mas angkat saka Zhang Fei.[1] Liu Bei nggabung ing sangisoré komando Cao Cao nalika ngalahaké Lu Bu.[1] Nalika iku Zhang Fei wis mèlu Liu Bei ing Xu Du, lan diangkat dadi Zhonglang Jiang.[1] Sawisé iku, Liu Bei banjur ninggal Cao Cao lan nggabung karo Yuan Shao lan Liu Biao.[1]

Nalika Liu Biao mati, Cao Cao wiwit lumebu tlatah Jingzhou, saéngga Liu Bei kudu lunga ing Jiangnan.[1] Cao Cao ngajak lan sawisé sadina sewengi para punggawané wis tekan ing Changban, Dangyang.[1] Nalika ngerti kaanan iku, Liu bei banjur ninggal bojo lan anaké lan maréntah Zhang Fei supaya mimpin 20 punggawa kang numpak jaran kanggo njaga barisan kang paling mburi.[1] Sawisé iku Liu Bei bisa ngamanaké Jiangnan lan milih Zhang Fei dadi gubernur Yidu lan mènèhi gelar Zhenglu Jiangjun lan Marquis Xinting.[1] Saliyané iku uga tinemu Candhi Zhang Fei kang manggon kurang luwih 55 km saka Wanxian lan 64 km saka Fengjie, Yunyang County.[2]

Cathetan suku besut

  1. a b c d e f g h i j k l m n o history.cultural-china.com Archived 2011-08-18 at the Wayback Machine.(dipunundhuh tanggal 12 Agustus 2011)
  2. china-yangtzecruise.com Archived 2011-09-08 at the Wayback Machine.(dipunundhuh tanggal 12 Agustus 2011)