Back to December
"Back to Desember" iku judul lagu kang katulis lan karekam dening penyanyi kondhang saka Amerika, yaiku Taylor Swift. Lagu iki lumebu ing albume sing katelu yaiku Speak Now kang kababar taun 2010. Lagu iki kasebar ing radio Amerika Serikat tanggal 15 November 2010 minangka lagu kaloro ing album mau. Miturute Taylor Swift, Back to Desember iki nyaritakake Tayor Swift sing njaluk pangapura. Kritikus duwe pamanggih yen lagu kuwi bab Taylor Lautner, mantan pacare Taylor Swift lan diakoni dening Taylor Lutner. Lagu iki diakoni minangka balada orkestra pop lan lirike ngandhut babagan rasa sing rumangsa gela banget lan gedhene pangarep supaya diapura karo pacangane. Malahan, ing lagune Taylor Swift iku kandha yen "if we loved again, i swore i love you right" kang tegese janji yen dheweke balen, Taylor Swift kuwi bakalan nresnani pacangane kanthi temenan.
"Back to December" antuk komentar saka para Kritikus sing nganggep yen lagu iki minangka hits saka album Speak Now. Para Kritikus iku ngalem bab lagu, swara, lan musike. Lagu iki sukses banget ing lan kasil njupuk peringkat enem ing Billboard Hot 100 ing Amerika Serikat, lan ana ing nomor telu Billboard Hot Country Songs. Lagu iki bisa disebut sukses ing internasional, ana ing nomer 24 ing Selandia Baru, lan 26 ing Australia.
Miturut Taylor Swift, lagu "Back to December" iki minangka srana anggone njaluk pangapura marang mantan pacangan ngengingi perkara kang durung nate katindake.[1][2] Dheweke mbacutake "Aku ora tau ngrasake butuh njaluk ngapura, ananging rong taun kepungkur iki aku wis ngalami okeh kalebu maneka piwulang. Lan kadhangkala sinau babagan pelajaran kang telat lan ing wektu kuwi kowe ora perlu njaluk ngapura merga kowe ora peduli". Para Kritikus wus ngira yen sejatine isi lagu kuwi minangka panjaluk ngapurane Taylor Swft marang mantan pacar, paraga ing "The Twilight Saga", Taylor Lautner. Amarga ing bagen kasebut ana lirik "kulitmu kang coklat, esemanmu kang manis" [3] Lautner mbenerke kabar angin kasebut nalika promosi TV Scream Queens taun 2006.[4] "Back To December" lagu kapisan kang kababar minangka prmosi saka album Speak Now tanggal 12 Oktober 2010, minangka bagean saka kampanye eksklusif dening iTunes Store kang mbabar album kasebut.[5] Tanggal 15 Nopember 2010, lagu kasebut dibabar minangka lagu nomor loro saka album Speak Now[6]
- ↑ "VIDEO: Taylor Swift Explains Apology Song 'Back to December'". People.com. 2010-11-23. Diarsip saka sing asli ing 7 January 2011. Dibukak ing 2010-11-26.
- ↑ Jennifer Still (2010-10-13). "Swift: 'Back To December is an apology'". Digitalspy. Diarsip saka sing asli ing 16 October 2010. Dibukak ing 2010-11-26.
- ↑ "Taylor Swift apologizes (to Taylor Lautner?) in 'Back to December'". Entertainment Weekly. 2010-10-12. Diarsip saka sing asli ing 7 December 2010. Dibukak ing 2010-11-26.
- ↑ Kickham, Dylan (August 9, 2016). "Taylor Lautner confirms Taylor Swift's 'Back to December' is about him". Entertainment Weekly. Dibukak ing August 9, 2016.
- ↑ "SPEAK NOW 3-WEEK ITUNES COUNTDOWN!". Taylorswift.com. September 27, 2010. Diarsip saka sing asli ing January 7, 2011. Dibukak ing December 15, 2010.
- ↑ "R&R :: Going For Adds :: CHR/Country". Gfa.radioandrecords.com. Radio & Records. November 15, 2010. Diarsip saka sing asli ing March 16, 2012. Dibukak ing December 15, 2010.