Wikipédia

Badan Pengkajian lan Penerapan Teknologi

Badan Pengkajian lan Penerapan Teknologi ingkang asring dipuncekak kanthi nama BPPT inggih punika Lembaga Pamaréntah Non Departemen Indonésia Badan Pengkajian lan Penerapan Teknologi (BPPT) inggih punika lembaga pamaréntah non-departemen ingkang mapan wonten ing sak ngandhaping koordinasi Kementerian Nagara Riset lan Teknologi ingkang gadhah tugas kanggé nindakaken tugas papréntahan ing babagan pengkajian lan panerapan teknologi.

Sajarah BPPT besut

BPPT sepisanan dipundamel saking gagasanipun Mantan Présidhèn Soeharto dhateng Prof Dr. Ing.B.J. Habibie ing tanggal 28 Januari 1974.

Kanthi surat putusan no. 76/M/1974 tanggal 5 Januari 1974, Prof Dr. Ing. B.J. Habibie dipunangkat dados penaséhat pamaréntah ing babagan advance teknologi lan teknologi penerbangan ingkang gadhah tanggel jawab langsung dhateng présidhèn kanthi mbentuk Divisi Teknologi lan Teknologi Penerbangan (ATTP) Pertamina. Saking surat putusan Dewan Komisaris Pamaréntah Pertamina No.04/Kpts/DR/DU/1975 tanggal 1 April 1976, ATTP dipun-gantos dados Divisi Advance Teknologi Pertamina. Lajeng dipun-gantos malih daos Badan Pengkajian lan Penerapan Teknologi kanthi surat Dudutan Présidhèn Republik Indonesia No.25 tanggal 21 Agustus 1978. Surat Dudutan punika lajeng dipun-gantos malih kanthi layang ingkang énggal inggih punika Surat Dudutan Présidhèn No.47 taun 1991.[1]

 
BPPT

Tugasipun besut

Tugas pokokipun BPPT inggih punika nindakaken tugas pamaréntah ing babagan pengkajian lan penerapan tèknologi kados ingkang sampun kaserat wonten ing ketentuan peraturan perundhang-undhangan ingkang sampun dipuntemtokaken.[2] Déné fungsinipun BPPT ing antawisipun inggih punika kados makaten:[3]

  1. Ndhudhah lan nyusun kawicaksanan nasional ing babagan pengkajian lan penerapan teknologi
  2. Koordinasi kegiyatan fungsional kanggé nindakaken tugas BPPT.
  3. Ningali, mbina, lan paring layanan dhatan kegiyat instansi pamaréntah lan swasta ing babagan pengkajian lan penerapan tèknologi kanggé njumbuhaken kaliyan wontenipun inovasi, difusi, lan pangrembakaning kapasitas, saha mbina alih teknologi
  4. Ngawontenaken pembinaan lan pelayananan administrasi umum ing babagan perencanaan umum, ketatausahaan, organisasi lan tata laksana, kepegaweyan, kauangan, kearsipan persandhian, perlengkapan, lan rumah tangga.

Pratélan Kepala BPPT besut

  • B.J. Habibie (1974–1998)[1]
  • Rahardi Ramelan (1998)
  • Zuhal (1998–1999)
  • A.S. Hikam (1999–2001)
  • Hatta Rajasa (2001–2004)
  • Kusmayanto Kadiman (2004–2006)
  • Said Djauharsjah Jenie (2006–2008)
  • Marzan Aziz Iskandar (2008–2014)[4]
  • Unggul Priyanto (2014–2019)
  • Hammam Riza (2019–)

Cathetan suku besut

  1. ↑ a b (ing basa Indonésia) Pusat Manajemen Informasi & Biro Hukum, Kerja Sama dan Hubungan Masyarakat BPPT. "Sejarah BPPT". Badan Pengkajian dan Penerapan Teknologi. Diarsip saka sing asli ing 2019-04-13. Dibukak ing 2019-03-15.
  2. ↑ Pusat Manajemen Informasi & Biro Hukum, Kerja Sama dan Hubungan Masyarakat BPPT. "Tugas dan Fungsi BPPT". Badan Pengkajian dan Penerapan Teknologi. Diarsip saka sing asli ing 2019-04-13. Dibukak ing 2019-03-15.
  3. ↑ Peran dan Ruang Lingkup Archived 2013-02-10 at the Wayback Machine. (dipunundhuh tanggal 1 Pebruari 2013)
  4. ↑ Hingga taun 2006 kalungguhan Kepala BPPT dijabat rangkap olèh Mantri Nagara Riset dan Teknologi (Menristek). [1] Archived 2014-06-06 at the Wayback Machine. Said Jenie ya iku Kepala BPPT pertama yang bukan menjabat Menristek.
Dijupuk saka "https://jv.wikipedia.org/w/index.php?title=Badan_Pengkajian_lan_Penerapan_Teknologi&oldid=1666890"