Bakmi
Bakmi utawa mi yaiku sawijining panganan kang dipercaya asalé saka China wiwit 5000 taun kapungkur.[1] Bakmi kalebu panganan kang nduwé sajarah kuna.[2] Wiwitane, panganan iki dipangan déning warga Tiongkok wiwit jaman Dinasti Han udakara ing taun 206 sadurungé masehi (2214 taun kapungkur).[2] Ing wektu semana bakmi isih wujud adonan gandum kang wujudé kotak utawa lembaran (kandhele meh padha karo kulit pangsit saiki), utawa lonjoran.[2] Bakmi wiwitane diarani "Pia", utawa ing basa Mandarin diarani "Bing" (waca:Ping). Cara masakke padha karo jaman saiki yaiku diclupake ing banyu umub lan dipangan karo duduh kang wis bumbonan.[2] Nganti seprene isih akèh wernane bakmi lan cara nggawene sarta cara ngracik bumbu-bumbu bakmi ing Tiongkok, tuladhané:[2]
- Ing Kutha Bei Jing ana Da Lu Mian (Bakmi nganggo bumbu kenthel asin)
- Ing Kutha Hang Zhou ana “Xia Bao Shan Mian” (Bakmi urang lan irisan welut)
- Ing Kutha Shang Hai ana “Kai Yang Cong You Mian” (Bakmi nganggo bumbu gorengan unclang) lan “Yang Chun Mien” (Bakmi srengéngé mangsa semi)
- Ing Kutha Xi An ana “Sao Zi Mian” (Bakmi bocah isin)
- Ing propinsi Shan Xi ana “Dao Xiao Mian” (Bakmi Gepeng)
- Ing propinsi Shan Dong ana “Fu Shan La Mian” (Bakmi Lo Mi / Bakmi olor saka gunung Fu Shan)
- Ing Kutha Wu Han (Provinsi Hu Bei) ana “Re Ga Mian” (Bakmi garing panas)
- Ing propinsi Si Chuan ana “Dan Dan Mian” (Bakmi pikulan)
- Ing Kutha Lan Zhou (Provinsi Gan Su) ana “Qing Tan Niu Ruo Mian” (Bakmi daging sapi duduh bening)
- Ing Kutha Yang Zhou (Provinsi Jiang Su) ana bakmi iwak peso.
- Ing Kutha Guang Zhou (Provinsi Guang Dong) ana “Yun Tun Mian” (Bakmi pangsit gedhé)
- Ing propinsi Tai Wan ana “Du Xiao Yue Dan Zi Mian” (Bakmi spesial resep Du Xiao Yue) lan “Shan Yu Yi Mian” (Bakmi campur daging welut)
 Bakmi | |
| Jeneng liyané | Mi |
|---|---|
| Ajangan | mangan utama |
| Panggonan asal | China |
| Hawa ajangan | panas |
| Woworan pokok | glepung, Endhog |
 Buku masakan: Bakmi  Médhia: Bakmi | |
Cathetan suku
besut- ↑ "Bakmi Grand Kelinci". Diarsip saka sing asli ing 2012-07-04. Dibukak ing 2011-08-11.
- ↑ a b c d e "Sejarah Bakmi di Kaskus". Diarsip saka sing asli ing 2010-01-09. Dibukak ing 2011-08-11.
| Wikimedia Commons duwé médhia ngenani Bakmi. |
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |