Basa Ban

Basa Ban (Aksara Kan: 閩語; pinyin: Mǐn yǔ; Pe̍h-ōe-jī: Bân gú; BUC: Mìng ngṳ̄; Ind: bahasa Min) ya iku klumpukan basawangsa Cina kang kocap dening 30 yuta wong ing Propinsi Hogkyen lan para tedhakturune ana ing tanjung Leycow lan Haynan sarta ing Taywan. Jeneng iki dumadi saka jeneng kali Ban ing Hogkyen kang uga dumadi jeneng cekak saka Propinsi Hogkyen. Parijinis-parijinis basa Ban ora dipadhamangreteni (Ing: not mutually intelligible) karo parijinis basa Cina liyane.

Paklumpuking carabasa-carabasa Ban amiturut Atlas Basa Cina:

     Shao-Jiang      Lor      Tengah

     Wetan      Pu-Xian      Kidul

     Leizhou      Hainan

Ana akeh pamocap basa Ban ing laladan jaban Cina ing Asia Kidulkulon. Parijinis basa Ban kang paling akeh kocap yaiku basa Ban Kidul (Ind:bahasa Minnan) kang uga karanan basa Hogkyen Taywan kang ing jerone kalebu carabasa Taywan lan Amoy.

Akeh basa-basa Ban kang parijaga watek-watek pligi basa Cina Kuna lan ana bukti basawidya yen ora kabeh parijinis basa Ban tedhakturun saka basa Cina Tengahan rajawangsa Swi lan Tang. Basa-basa Ban dikira-kira duwe asorjêjêr basawidya (Ind: substrat linguistik) kang dhuwur saka basa-basa pandunung laladan iku jaman biyen sadurunge panyinajati (Ing: sinicization).

Sawang uga

Basa Cina