Basa Orang Laut
Basa Orang Laut ya iku dhialék basa Malayik kang dituturaké déning wong Orang Laut ing laladan Kapuloan Riau lan Sumatra Lor, Indonésia[1][2]. Basa Orang Laut (BOR) kanggo basa padinan sesrawungan suku Orang Laut. Dhéwé`é manggon ing Pulo Jaring Halus ing Kacamatan Secanggang lan Pulo Tapak Kuda ing Kecamatan Tanjung Pura. Daérah sing dienggoni wong Orang Laut iku mencil lan sok ing sagara. Rong kecamatan iku ana ing Kabupatén Langkat, Sumatra Lor. Urip wong Orang Laut masih tradhisional temen. Laladan BOR iki sesandhingan karo laladan basa Malayu. Bisa didhudhut yèn antara BOR lan basa Malayu ora ana wates sing cetha. Ing soal kesukuan iku rada angél dibedaké antara wong Melayu lan Orang Laut, nanging lumrahé Orang Laut agamané masih tradhisional[2].
| Basa Orang Laut | ||
|---|---|---|
| Dituturaké ing | Indonésia | |
| Wilayah | Pasisir Kepuloan Riau | |
| Gunggung panutur | 2.218 (1983) | |
| Rumpun basa | Melayu-Polinésia | |
| Kodhe basa | ||
| ISO 639-1 | -
| |
| ISO 639-2 | -
| |
| ISO 639-3 | dup
| |
Dhialék BOR iki ana loro ya iku dhialék Tapak Kuda lan Jaring Halus. BOR masih dienggo ing padinan (sesrawungan), upacara adat, lan upacara agama[2].
Conto basa besut
Seluak budak ni kotok sangat. “Clana bocah iki reged temen”.
Ayam dia sembilan ékok, “Ayamé dhéwé’é sangang biji”.
Pak tukak duit di kedai, “Bapak nuker duit ing warung”[2].