Basa komputer
Basa komputer iku istilah alternatif lan luwih jembar cakupané tinimbang istilah basa pamrograman kang biyasa dipigunakaké. Basa pamrograman minangka péranganing basa komputer, semono uga jinis basa liyané. Contoné, HTML iku basa markah lan basa komputer, nanging kanthi tradhisional ora dianggep basa pamrograman.
Basa komputer sayektiné dipérang dadi rong golongan: basa tingkat dhuwur lan basa tingkat cendhèk. Basa tingkat dhuwur ya iku basa kang gampang dingertèni déning manungsa, mligi dumadi saka blok-blok kodhe kaèksekusi, kang mligi njupuk putusan tinamtu kang nemtokaké arah utawa alur sawijining program. Sawijining kompilator ngowahi saka basa tingkat dhuwur iki dadi kodhe kang dimangertèni déning komputer. Akèh-akéhé perangkat alus modhèren digawé sajeroning basa tingkat dhuwur, kang dirakit dadi kodhe rakitan tingkat cendhèk, kang sabanjuré dikompilasi dadi instruksi mesin.