Bendungan Semantok
Bendungan Semantok yaiku bendungan kang mapan ing Dhusun Kedhungpingit, Désa Sambikerep, Kacamatan Rejasa, Kabupatèn Nganjuk.
Latar wuri
besutYeyasaning
besutBendungan iki diyasa wiwit sasi Dèsèmber 2017, yeyasaning bendungan iki minangka Proyek Strategis Nasional (PSN).[1] Yeyasaning bendungan iki dilakoni déning Balai Besar Wilayah Sungai (BBWS) Sungai Brantas, Ditjen Sumber Daya Air, Kementerian PUPR (Pekerjaan Umum dan Perumahan Rakyat) lumantar 2 pakèt panggawéan, yaiku pakèt 1 déning kontraktor pelaksana (PT. Brantas Abipraya & PT Pelita Nusa Perkasa) lan pakèt 2 anggandhèng PT Hutama Karya & PT Bahagia Bangunnusa. Bendungan iki rampung ing taun 2022 lan diresmèkaké déning Presidhèn Joko Widodo ing 20 Dèsèmber 2022, lan Bendungan Semantok iku minangka bendungan kaping 30 kang diresmèkaké panjenengané saka total kira-kira 50-60 bendungan manèh kang kudu diresmèkaké panjenengané ing pungkasaning taun 2024.[1][2][3]
Préstasi
besutBendungan iki sinebut minangka bendungan paling dawa sa-Asia Kidul-Wétan. Bendungan iki uga makolèh piagem rékor MURI (Museum Rekor Indonesia) ing bab Pelaksana Pembangunan Bendungan Terpanjang kanthi dawa 3.100 mèter. Bendungan iki duwèni dhuwur 38,5 mèter lan amba papan kembongan banyu 365 héktar. Ing salah sawijining survé, Bendungan Semantok sinebut ing urutan kapisan saka patang bendungan ing Indhonésia minangka bendungan paling larang ing Indhonésia kanthi mangan béya 2,5 triliun, ditutké bendungan-bendungan liyané kayata Bendungan Kuwil ing Manado (1,9 triliun), Bendungan Sadawarna ing Subang lan Sumedang (1,9 triliun), lan Bendungan Tamblang ing Bulèlèng, Bali (820 miliar).[4][5]
Hidrologi
besutBendungan iki mekolèh banyunè saka Kali Semantok. Kali iku dawané kira-kira 18,19 kilomèter lan dhaérah cekelan banyuné watara 54.032 kilomèter persegi kanthi duwèni volume ilèn mlebu rata-rata 64,77 mèter kubik per taun.[6]
Piguna
besutYeyasaning bendungan iki duwèni pirang-pirang manpangat kang bisa dipigunakaké masarakat sakiwa-tengené bendungan ing khususé, uga masarakat Nganjuk ing umumé. Bendungan iki duwèni daya tadhah banyu kang lumayan gedhé yaiku 32,6 yuta kubik lan kanthi amba papan kembongan banyu 365 héktar, kanthi iku bisa dikarepaké bisa dianggo masarakat khususé para among tani kanggo ngilèni sawah kang ambané nganti 1.900 héktar ing sakiwa-tengené bendungan.[7]
Kamangka kanthi iku bisa dikarepaké uga ing setauné bisa nganti ping loro utawa ping telu panènan. Saliyané iku, anané bendungan iki uga bisa nyuda cacahing banjir ing tlatah Nganjuk. Manawa miturut Sekretaris Perusahaan Brantas Abipraya, Miftakhul Anas, anané bendungan iku kira-kira bisa nyuda banjir nganti 30 persèn ing Kabupatèn Nganjuk lan tlatah saubengé. Déné sawaliké ing nalika mangsa katiga, bendungan iku bisa dadi talangan banyu kanggo tlatah-tlatah kang kakurangan banyu. Ing pungkasan kanthi binukaké bendungan iki bisa ngundhakaké daya tarik pariwisata uga ngurip-uripi ékonominé masarakat saubengé lan masarakat Nganjuk.[8][7]
Wayah operasional lan rega karcis
besutWayah operasional bendungan iki saben dina. Karcis mlebuné gratis, déné parkiré Rp. 2000,- kanggo pit montor lan Rp.5000,- kanggo mobil.[9]
Cathetan suku
besut- ↑ a b Harisudin, Muhammad (2023-03-23). "Usai Diresmikan Presiden RI, Ini Lima Fakta Menarik Bendungan Semantok di Kota Bayu". Portal Informasi Pemkab Nganjuk. Dibukak ing 2023-10-06.
- ↑ "Impounding Akhir Juni 2022, Bendungan Semantok Akan Meningkatkan Suplai Air Irigasi di Nganjuk Jawa Timur". Kementerian PUPR. 2022-06-07. Diarsip saka sing asli ing 2023-10-07. Dibukak ing 2023-10-06.
{{cite web}}:|first=missing|last=(pitulung) - ↑ "Presiden Jokowi Resmikan Bendungan Semantok di Nganjuk". Presiden Republik Indonesia. 2022-12-20.
- ↑ "Semantok, Bendungan Terpanjang se-Asia Tenggara Karya Abipraya Diresmikan Presiden". Brantas Abipraya. 2022-12-21. Diarsip saka sing asli ing 2023-10-07. Dibukak ing 2023-10-07.
- ↑ Quena, Santi (2023-07-27). "4 Bendungan Termahal di Indonesia, Bahkan Sampai Menggunakan Teknologi Inti Aspal Bisa Tebak Berapa Biayanya!". Quena. Dibukak ing 2023-10-07.
- ↑ "Hampir Rampung, Bendungan Semantok Diisi Air Juni Ini". Head Topics. 2022-06-07. Diarsip saka sing asli ing 2023-10-14. Dibukak ing 2023-10-07.
- ↑ a b Setyawan, Dhanny (2023-05-27). "Jatim Hari Ini". Jatim Hari Ini. Dibukak ing 2023-10-07.
- ↑ "DPRD Jatim Harap Bendungan Semantok Bisa Tingkatkan Kesejahteraan Rakyat". Dinas Kominfo Provinsi Jawa Timur. 2022-12-21. Dibukak ing 2023-10-07.
- ↑ "Bendungan Semantok, Tiket Masuk, Jam Buka, Lokasi dan Aktivitas [Terbaru]". Amazing Trip Pedia. 2023-05-05. Diarsip saka sing asli ing 2023-10-03. Dibukak ing 2023-10-07.