Benjamin Vulliamy
Benjamin Vulliamy (1747-1811), inggih punika salah satunggaling tiyang ingkang damel jam mligipun jam bandhul ingkang wonten ing antawisipun taun 1780 lan 1884 punika minangka pengatur wekdal resmi ing London.[1]
| Benjamin Vulliamy | |
|---|---|
| Lair | 1747 London, Inggris |
| Pati | 1811 |
| Pakaryan | Damel jam |
| Bojo | Mary Gray Vulliamy |
| Anak | Benjamin Lewis Vulliamy |
.jpg)
Biografi
besutBenjamin punika putra saking Justin Vulliamy, satunggaling tiyang ingkang damel ingkang asalipun saking Switserlan. Lajeng pindhah dhateng London sakiwa-tengené taun 1730. Justin dados kekancan kaliyan Benjamin Gray, tiyang ingkang damel jam lan mapan wonten ing Pall Mall lajeng krama kaliyan putrinipun, Mary.[1] Justin nggantos bapak mertua anggènipun usaha damel jam saking 1780, larenipun Benjamin mlebet ing kerjasama (Vulliamy & Son). Bapak lan anak lajeng nyambut damel sesarengan dumugi sédanipun Justin, nalika tanggal 1 Dhésèmber 1797.[2]
Saking enèm Vulliamy nedahaken remenipun marang pakaryan bapakipun. Nalika sampun diwasa piyambakipun wiwit pikantuk reputasi minangka ingkang damel jam mantel, pitedah wekdal dekoratif ingkang ngriasi griyanipun para bangsawan (sapunika sapérangan wonten ing Musiyum lan Gladri Seni Derby).[3] Bakaipun pikantuk Royal Appointment (kados garansi kuwalitas saking kraton) ing taun 1773. Kanthi punika piyambakipun pikantuk dhana £150 saben taun minangka Tukang Damel Jam Raja saking George III (wonten miripipun kaliyan Tukang damel Jam Karajan ingkang lajeng dipuntangani déning George Lindsay). Raja ingkang ketarik sanget kaliyan jam lan barang-barang mekanis sanèsipun punika ingkang njurung Justin Vulliamy, nanging namung Benjamin ingkang nampi penghargaan kasebutt.[4]
Sekitar taun 1780, Vulliamy dipunparingi tugas kanggé damel Jam Pengatur, minangka jam standar utami saking Observatorium Kew ingkang ginanipun minangka Meridian Utama lan gadhah tanggel jawab dhumateng wekdal resmi London dumugi taun 1884. Greenwich nggantos kalih pérangan mau.[1] Ing taun 1789 Benjamin Lewis Vulliamy wiyos. Piyambakipun punika keturunan Vulliamy ingkang pungkasan ingkang gadhah ancas kanggé damel usaha damel jam kulawarga. Boten wonten keturunan malih ingkang nglajengakeng pakaryan mau sanajan larénipun Lewis punika arsitèk ingkang kondhang.
Jam Vulliamy
besutJam damelan Vulliamy inggil nilainipun lan dados wakil puncak tèknologi kala punika. Satunggaling jam Vulliamy ugi dados bebungah dhateng kamaharajan China nalika wonten ing misi diplomatik ingkang dipunlampahi déning George Macartney tumuju Beijing taun 1793.[5] Jam Vulliamy dipungabung kaliyan karya porselen kuwalitas inggil kanggé ngasilaken bebungah ingkang nggabungaken kawruh kaliyan seni. Sedaya rancangan dipundamel déning Vulliamy nanging piyambakipun maringi pakaryan pematung ingkang naté menangaken lomba kados John Deare[6] Kangge damel karya ingkang dipunpengaruhi rancangan kontèmporèr Perancis. Kulawarga Vulliamy ngagem perusahaan Royal Crown Derby kanggé damel rancangan patung porselènipun.[6]
Cathetan suku
besut- ↑ a b c Arcadian Times (èd.). "Kew Time". Diarsip saka sing asli ing 2012-03-24. Dibukak ing 2013-03-15.
- ↑ Montpellier Clock (èd.). "Vulliamy, London. No. 220".
- ↑ Antique-Marks (èd.). "The astronomy clock by Benjamin Vullliamy".
- ↑ Derby City Council, èd. (2009). "Vulliamy Mantle Clock". Diarsip saka sing asli ing 2009-11-03. Dibukak ing 2013-03-15.
- ↑ William Proudfoot, Biographical Memoir of James Dinwiddie: Embracing Some Account of His Travels in China and Residence in India (Liverpool: Edward Howell, 1868), 45.
- ↑ a b Royal Crown Derby Gallery, Antique Marks.com.