Bohèmen
Bohèmen[1] (Céko Čechy, Jerman Böhmen, Polski Czechy, Latin Bohemia) iku tlatah ing Céko pérangan kulon. Lucuné tlatah iki ing basa Céko dhéwé ora nduwé jeneng kusus. Ing basa Céko, tembung adjektif český tegesé bisa Céko utawa Bohémia. Ambané tlatah Bohémia 52.065 km 2. Sing ndunungi kurang luwih 6 yuta jiwa, ya iku 60% saka gunggungé sing ndunungi Républik Céko. Sisih wétan Céko diarani Moravia. Dadi Bohèmen iku wewatesan karo Moravia ing sisih wétan, karo Jerman lan Polen ing sisih lor lan karo Ostenrik ing sisih kidul.
Nalika jaman Kakaisaran Suci Romawi, Bohèmen iku karajan, banjur nalika jaman Kakaisaran Ostenrik, Bohèmen iku namung provinsi waé. Minangka dadi karajan sajeroning Kakaisaran Suci Romawi, posisi Bohèmen unik, amarga sanadyan mayoritas sing ndunungi dudu Wong Jerman, Bohèmen olèh milih Kürfurst sing bisa dadi Kaisar.