Brian Marshal

Brian Marshal, ya iku priya kang asalé saka Bandung, lair ing tanggal 29 Maret 1989.  Dhèwèké wong kang ngedegaké Sirclo. Brian bisa nggayuh Medhali Prunggu International Olympiad in Informatics 2007. Amarga iku Brian ngetukaké kaistiméwan kanggo kuliah ing Universitas Teknologi Nanyang (NTU), Singapura (2008-2013). Sawisé iku, amarga teknologi informasi kang ana ing Indonesia bisa ngrembaka, Brian nduwéni niatan kanggo ngembangaké ana ing Tanah Air.

Kauripan

Sawisé suwé ana ing Universitas Teknologi Nanyang (NTU), Singapura tahun 2013. Brian bali menyang Jakarta kanggo ngembangaké karyane.Kanthi cara usaha Sirclo, Brian ngéwangi usaha cilik lan menengah kanggo gawé tatanan toko online kanthi apik. Akhir Juni 2018, ana ing sajroning ruangan ana ing kawasan Green Office Park, BSD Serpong, akéh para nom-noman padha kerja ana ing sakngarepé komputer. Ruangan kang dinggo iku uga durung ana papan jenengé Sirclo. Sapa wae kang arép gawé toko daring bisa gawé website saka Sirclo kanthi ora mbayar uga akeh pilihan desain ana ing Sirclo. Nanging menawa kepéngin gawé website nganggo jenengé dhèwè, Sirclo nyediakaké jasa kanthi tarif tartamtu. Tarif iku mesthine beda-beda gumantung saka model kang dijaluk saka kang duwé toko daring iku. Sirclo uga nyediakaké gladhén kanthi ora mbayar kanggo wong kang nduwé toko daring nganti bisa nggunakaké toko daringé. Ora mung ana ing Jakarta, Sirclo uga nggladhi ana ing Bandung, Surabaya, lan Yogyakarta.

Wiwit nggadhegé Sirclo tahun 2013, Sirclo wis ngewangi gawe web toko daring kang cacahe 70.000 web. Jumlah iku kalebu kang wis ora aktif maneh. Saiki kang isih aktif cacahe kurang luwih 25.000, kang 1000 uwis gawé nganggo jenengé dhèwè. Program kapisan ya iku 30 dina pinuju sukses kang ndampingi warausaha kang lagi ngedhegaké usaha lewat daring. Ngewangi wiwit anggone gawe desain website toko daringé, Ngirim foto dagangané ana ing website nganti carané mbayar saka daring ugi ngéwangi mantau saka lumakun orané usaha iku. Kang mantau iku diewangi karo tim Sirclo kang ana 4 pilar, ya iku tim marketing, business development, support, lan user success. 4 tim iku duwé tugas ngéwangi toko-toko lan ngupayaké toko iku samsaya sukses. Brian menehi tuladha toko daring kang miwiti dalané saka Sirclo lan saiki wis sukses, ya iku Sale Stock Indonesia. Sakliyané 30 dina pinuju sukses, Brian uga nganakaké program gladhén kang dilakokaké ana ing cabang Sirclo ing Indonesia. Gladhén iku dilakokaké ping 1-2 saben seminggu kanthi materi miwiti usaha daring. Gladhén iku ora mbayar lan uga ora kudu dadi klien Sirclo.

Karya Kanggo Negara

Asal saka anané Sirclo ya iku wiwit Brian miwiti usahané ana ing bidang teknologi informasi kanthi manggon ana ing kamar kos ing Jakarta Pusat. Saka kamar kos njedhul pikiran kanggo ngedegaké Sirclo. Ana ing usaha iku, dhèwèké dièwangi karo 4 kancané. Brian nglakokaké panelitén ana ing luar negeri, asile ana ing Benua Eropa wis ana perusahan kang padha karo Sirclo. Ngembangaké usaha wiwit nul pancén ora gampang. Brian nangkep usaha daring kang bisa ditonton ana ing taun 2013. Ananging kendala pengusaha lokal nyoba bisnis daring yaiku gawé wébsite lan kudu duwé pegawé kang duwé kaprigelan ing bidang TI iku ora gampang. Miwiti usaha saka nol iku mbutuhaké pamikiran,lan dorongan kanggo maju wiwit piye carané bisnis, ngétukaké asil kang utama. Menawa ora ana dorongan kanggo maju bisa-bisa usaha iku ora lumaku. Ananging kabèh usaha iku mesthi ana risikoné, ora ana usaha kang bisa lumaku tanpa ana gonjang-ganjingé.

Brian cerita, menawa ing taun 2015 usahané ngalami perkara ana ing babagan dhuwit ingkang nyebabaké kudu ngurangi pegawéné saka 30 dadi 16. 16 uwong iku kudu kerja luwih akeh kanthi pangolehan kang padha nanging pametunané sithik. Kang 12 uwong iku diwenehi wektu sewulan kanggo golek pagaweyan sadurungé mètu saka Sirclo. Minangka wiraswasta Brian tanggung jawab mikiraké gaji lan nggolékaké pagawéan anyar kanggo para pegawéné. Iku dadi salah sijiné bukti menawa dhéwéké tanggung jawab marang pegawéné. Saiki, Brian terus ngembangaké usaha kang dupayakaké. Sakliyané nyediakaké jasa gawé laman toko daring, Sirclo uga nyediakaké gudhang kanggo nyimpen barang kang arep diedharaké menyang para panuku kang arep tuku kanthi cara daring.

Pangaji

Brian Marshal ngolehaké pirang-pirang pagaji, antarane yaiku pangaji arupa IT Youth Award (Singapore Computer Society (SCS)) ana ing tahun 2011. Ana ing tahun 2010, Brian ngolehaké pangaji arupa Young Leader for Indonesia (McKinsey & Company (YLI) ). Ora mung iku, Brian Marshal uga ngolehaké pangaji arupa Medali Perunggu (International Olympiad in Informatics (IOI)) ana ing tahun 2007 lan Medali Pérak (Olimpiade Sains Nasional (OSN)) ana ing tahun 2005.