Bubah Alfian
Bubah Alfian ya iku juru rias sing kawentar ngerias artis lan modhèl. Dhèweké duwè jeneng asli Zakharia Mahfudi Alfiansyah[1] duwè bakat ngerias kawit cilik. Banjur bakat iku bisa ngrembaka nganti dhèwèké duwè kasempatan ngerias modhel panyarta America's Next Top Model (ANTM) musim kaping-20.[2]
Kauripan besut
Bubah kawit cilik urip ing Jember. Ing taun 2009 piyambaké mbukak salon dhèwé. Ing jaman semana, isih wagu menawa wong lanang sing makarya ing donya pangrias. Pakaryan iki nuwuhaké panyaruwè sing pedhes saka kaluwarga lan tangga teparoné. Ananing Bubah panggah makarya lan ngerias ing Jember Fashion Carnifal. Sakwisè lulus SMA, Bubah banjur kursus ngerias ing Rudi Hadisuwarno. Sakwisè iku Bubah banjur manyang Jakarta kanggo makarya. Dhèwèké makarya 20 jam saben dina lan nganggo pit motor nalika methuk pesenan. Amarga saka pagawèyan iku Bubah sansaya kondhang nganti saiki lan dadi langganan para artis.[3]
Cathetan suku besut
- ↑ netz.id. "NETZ ID - 5 Fakta Tentang Bubah Alfian, The Most Wanted Makeup Artist". NETZ ID (ing basa Inggris). Dibukak ing 2020-03-24.
- ↑ "Bubah Alfian, Penata Rias Muda Indonesia yang Pernah Merias Tyra Banks". wolipop (ing basa Indonesia). Dibukak ing 2020-03-24.
- ↑ Putri, Citra Narada (2018-07-26). "Bubah Alfian, Dari Jember Mengejar Amerika". Femina. Dibukak ing 2020-03-24.