Bumi Mania
Bumi Mania (dicekak BM) utawa Kebumen Militan Suporter iku jeneng paguyuban sing nyengkuyung pakumpulan bal-balan Persak Kebumèn. Bumi Mania kawujud taun 2012 sing ancasé nguripaké manèh bal-balan lokal Kabupatèn Kebumèn sing kala iku dianggep mati.[1]
Latar wuri
besutPersak Kebumèn minangka pakumpulan bal-balan ing Kabupatèn Kebumèn langka préstasi lan arang main. Kaanan iki sangsaya ndadi nalika Setadhion Candradimuka, minangka pakalangané Persak Kebumèn, alih guna dadi pasar sawetarané awit Pasar Tumenggungan tembé dianyari ing taun 2012.[1]
Ing wewengkon Kebumèn dhéwé, sawenèh paguyuban sing nyengkuyung pakumpulan bal-balan njaba malah ana. Ana kaya ta Aremania Kebumen, Viking Kebumen, Jakebument, lan Slemania Kebumen. Éwadéné, nganti taun 2012 durung ana paguyuban sing nyengkuyung bal-balan lokal Kebumèn.[1]
Ancas
besutBumi Mania dadi siji-sijiné paguyuban sing ndhesek DPRD Kebumèn lan péhak swasta saperlu nyengkuyung yasané manèh Persak Kebumèn. Ancasé Persak Kebumèn saora-orané bisa lumebu Divisi III lan sangsaya mundhak préstasiné, déné tundhoné bisa dadi ikon Kabupatèn Kebumèn.[1]
Cathetan sikil
besutRujukan
besut- "Bumi Mania Lakukan Aksi Damai". Berita Kebumen. 7 August 2013. Diarsip saka sing asli ing 9 February 2015. Dibukak ing 8 June 2016.