Buta-buta (tetuwuhan)

Buta-buta (Excoecaria agallocha utawa Excoecaria affinis) ya iku wit taunan saka kulawarga Euphorbiaceae. Wit iki dhuwuré bisa nganti 16 mèter lan dhiamèter galihé 40 cm. Galihé bèngkok lan mbonggol werna klawu alus lan ana bintil-bintil. menawa diceklek ngasilaké tlutuh werna putih kenthel.^[1] Godhong lonjong 3–10 cm. Godhongé ijo kasar sing selang seling lan lunyu. Kembangé werna kuning keijonan. Kembange lanang utawa wadon tok. Wijiné werna ijo lan malih dadi soklat tuwa menawa wis mateng. Wiji kaya bal ukurané 5–7 mm.^[2]

Biologi lan Ékologi

Wit Buta-buta ana ing alas bakau

Kembang saka wit Buta-buta mekrok saben taun. Tanduran iki tuwuh nganggo wiji. Buta-buta tuwuh ana ing pesisir sagara kang lemahé masir. Bisa uga tuwuh ana ing alas bakau. Wit iki kasebar ing bawana Asia kidul wetan nganti Australia.^[3]

Piguna

Wiji Buta-buta

Wit Buta-buta kayuné éntheng nanging kuat. Ing sajroning woh iki ngandhut tlutuh putih sing mbebayani. Tlutuh iki menawa kena mata bisa gawé wuta. Mulané diwènèhi jeneng Buta-buta. Kabèh perangan wit iki ngandhut upas.^[4] Upas iki bisa kanggo nangkep iwak lani bisa kanggo piranti gawé dupa. Kayuné bisa kanggo gawé ukiran.

Kapustakan

↑ Berlian. "Repository UMP" (PDF). Dibukak ing 2020-04-03.
↑ "Wetlands International Indonesia Programme". www.wetlands.or.id. Dibukak ing 2020-04-03.
↑ Partomihardjo, Tukirin dkk (2014). Jenis-Jenis Pohon Penting di Hutan Nusakambangan. Jakarta: LIPI Pers. kc. 111. ISBN 978-979-799-804-2.
↑ "Excoecaria agallocha - Useful Tropical Plants". tropical.theferns.info. Dibukak ing 2020-04-03.

[1] Berlian. "Repository UMP" (PDF). Dibukak ing 2020-04-03.

[2] "Wetlands International Indonesia Programme". www.wetlands.or.id. Dibukak ing 2020-04-03.

[3] Partomihardjo, Tukirin dkk (2014). Jenis-Jenis Pohon Penting di Hutan Nusakambangan. Jakarta: LIPI Pers. kc. 111. ISBN 978-979-799-804-2.

[4] "Excoecaria agallocha - Useful Tropical Plants". tropical.theferns.info. Dibukak ing 2020-04-03.

[1]

[2]

[3]

[4]