Buwangan

Upacara Buwangan (ꦲꦸꦥꦕꦫꦧꦸꦮꦔꦤ꧀) lampah tata cara awal mantu kaping kalih sasampunipun pasang tarub. Upacara menika nggadhahi ancas mbebuwang salwiring sukerta utawi pepalang murih tumapaking acara mantu saged kalis ing sambekala. Wonten kalih jisi buwangan inggih menika.

1. Pecok Bakal awujud kacang-kacangan kados ta dhele, kacang ijo, saha kacang tholo. Lajeng kluwak, kemiri wungkul, tigan ayam mentah, gantal, ron dhadhap serep, trasi, brambang, bawang, lombok, gendhis, klapa, saremp, empon-empon, rajangan daging, saha arta receh. Sadaya menika dipunwadhahi takir ageng utawi panjang ilang inggih menika wakul ingkang kadamel saking nam-naman ron klapa kaplipit papah debog pisang. Panjang ilang menika dipunpapanaken wonten ing griya wanci dalu.
2. Gecok Mentah awujud daging lembu mentah ingkang kacacah alit dibumboni bawang, lombok, brambang, kencur, santen ingkang dipunwadhahi sudi utawi taker alit. Sedaya kawadhah takir lajeng dipunsukakaken ing saben pojok pekarangan , pojok griya, pojok sumur, sarta jamban. Anggenipun buwang utawi mapanaken ing wanci dalu.