Chester William Nimitz
Chester William Nimitz (24 Fèbruari 1885-20 Fèbruari 1966) ya iku komandan armada pasifik Amérika Sarékat sasuwéné Perang Dunia II.[1] Dhèwèké uga salah sawijiné administrator utama lan panggawe strategi ing angkatan laut.[1] Dhèwèké mrintahake kabèh wadyabala darat lan laut ingwilayah Pasifik Tengah.[1] Lulusan (1905) saka Akademi Naval iki uga duwé tugas ing Perang Dunia I minangka kepala staf komandan angkatan laut Amérika Sarékat di Atlantik.[1][2] Perjalanan dinas kang ditindakake sasuwéné staf komandan ngyakinake bakal ana efektivitas peperangan ngisor sagara.[1] Dhèwèké nyekel manéka kalungguhan ing sagara lan ing gisik nganti taun 1939 nalika dhèwèké ditunjuk minangka kepala Biro Navigasi saka Angkatan Laut Amérika Sarékat.[1][2] Sawisé Jepang nyerang Pearl Harbor ing Dhésèmber 1941, Nimitz diangkat dadi Panglima Armada Pasifik, sawijining kalungguhan kang mbawahi angkatan darat lan angkatan laut.[1][2] Ing Juni 1942 dhèwèké kanthi bombong ngumumake penentu kemenangan ing Pertempuran Midway lan Laut Coral.[1] Ing pertempurna mau musuh ngalami kapitunan nganti tikel sepuluh luwih gedhé tinimbang karo Amérika Sarékat nalika diserang Jepang ing Pearl Harbor.[1] Ing taun-taun candhaké, pertempuran bersejarah ing KapuloanSolomon (1942-1943), KapuloanGilbert (1943), Marshall, Marianas, Palaus, lan Filipina (1944) lan Iwo Jima sarta Okinawa (1945) ana ing sangisore komandone.[1]
