Chinsuko
Chinsuko ((ちんすこう、金楚糕、きんそう糕 utawi 珍楚糕 chinsuko?) punika kué garing tradhisional khas saking Okinawa ingkang asalipun saking resèp jaman Kerajaan Ryukyu. Kué punika mèmper kaliyan biskuit, bahan dhasaripun saking terigu, gula, lan ugi lemak babi.
 | |
| Jinis | biskuit |
|---|---|
| Panggonan asal | Jepang |
| Tlatah utawa praja | Okinawa |
| Woworan pokok | terigu, gula, lemak babi |
 Buku masakan: Chinsuko  Médhia: Chinsuko | |
Wonten ing papan-papan wisata ing Prefektur Okinawa, Chinsuko punika dipunsadé kanthi ngginakaken kothak-kothak minangka kué angsal-angsal (miyagegashi). Utawi saged dipundadosaken campuran ès krim rasa chinsuko. Kué punika ugi dipunsadé kanthi manéka warna rasa. Kadosta rasa cokelat, kèju, nanas, lan ugi miso.
Asal usul
besutRumiyin chinsuko punika kué kanggé kulawarga ing istana Kerajaan Ryukyu. Rakyat byiasa punika boten saged ngrahapi kué punika, satemah kue punika dipunwastani chinsuko ingkang wonten ing Basa Okinawa punika ateges kué ingkang langka; chin (珍? tegesipun langka utawi emas) lan suko (???? kue).suko (すこう? kue).[1] Kué-kué ingkang saking Tiongkok wiwitanipun dipuntepangaken dhateng tiyang Ryukyu déning para ahli damel kué ingkang ndhèrèk wonten ing rombongan utusan saking Tiongkok (sapposhi).
Rombongan punika rawuh tanpa kendhat kirang langkung 500 taun, wiwit saking jaman Dinasti Ming dumugi jaman Dinasti Qing saben Kerajaan Ryujyu ngangkat raja ingkang énggal. Wiwitanipun chinsuko punika kué ingkang sinebat chiirunko. Kué punika dipunmatengaken kanthi dipunkukus.[1] Sasampunipun dipunkukus, glepung beras dipuncampur kaliyan gula lan lemak babi lajeng dipuncithak. Lajeng dipunkukus malih dumugi saèstu mateng.[1] Resèp kué punika boten éwah sedangunipun mangsa pamaréntahan Kerajaan Ryukyu. Chinsuko punika éwah dados kué ingkang dipundamel mateng kanthi cara dipunpanggang nalika tahun 1908 .[2][3]