Christian Lesmana
Christian Lesmana (lair ing Bandung, 15 Maret taun 1969; umur 50 taun) minangka desainer otomotif VolksWagen saka Indonesia sing wis diakoni karo dunia. VolksWagen desaine pernah dinobatke dadi World Car of The Year 2012 ing New York International Auto Show. Dheweke sekolah ing Institut Teknologi Bandung namung 2 taun. Banjur nglanjutake sekolah ing Sekolah Tinggi Desain Fakultas Desain Industri jurusan Desain Transportasi di Pforzheim, Jerman. Christian Lesmana dadi salah siji saka telung cabang VolksWagen, desain VolksWagen dheweke bisa ngalahke 34 mobil liyane nganti akhir iso nyabet pahargan. Seleksine ketat banget saka 64 juri minangka jurnalis otomotif sak dunia. Mobil rancangane ngungguli rong nominasi liyane kaya BMW 3-series lan Porsche 911 sarta 31 mobil liyane. Dheweke ngusung tema mobil perkotaan, rancangane kuwi wis kalebu rancangan mobil perkotaan sing responsif banget, mesine efisien, suspensine canggih lan kuwalitas material sing apik banget. VolksWagen ana rong rancangan ya iku 3 lan 5 lawang. Nanging durung bisa lumebu ing Negara Indonesia amarga bahan bakar ramah lingkungan standar Euro 5 sing durung ana ing Indonesia. Mobil VolksWagen dudu siji-sijine mobil sing didesain dheweke, rancangan liyane tuladhane yaiku VolksWagen New Beetle 2011 sing dijuluki The Beetle.[1]
Kauripan besut
Chris saka remaja wis seneng ngoleksi mobil VolksWagen, nalika umur 17 taun Chris uga wis duwe bengkel las mobil ing Bandung. Kagemaran iku awale saka bapake Chris ya iku Tony Lesmana sing pada seneng mobil VolksWagen, bapake menehi hadiah mobil VolksWagen cemeng ireng seri 1303 amarga kuwi chris dadi ngoleksi VolksWagen. Nanging ing Indonesia taun 80-an desain mobil isih ora mungkin. VolksWagen kodok dadi eksperimene sing pertama kali, dheweke ngoprek-ngoprek tampilan VolksWagen kodok kuwi. Dirubah kabèh tampilan interior lan ngecat ulang eksteriore. Kaprigelane sing dheweke nduweni iku disinauni saka bapake. Impian saka cilik bisa dadi desainer mobil kawujudan, dheweke nganti ngeculake kuliahe ning jurusan desain produk Institut teknologi Bandung ing taun 1988-1991 kanggo nggayuh angen-angene. Amarga wong tuane ora duwe duwit kanggo kuliah ing London sing mesti butuh duwet akeh, senadyan ing Pforzheim gratis nanging nalika urip ing kana uga butuh uwit akeh. Chris ngewiwiti jajal gawe portofolio banjur dikirim ing kana lan teka layang sing kudu ing Pforzheim kanggo tes ke loro. Banjur budhal ing Jerman, melu tes rencanane rong dina jebul sedina wis cukup. Nalika tes Chris durung bisa bahasa Jerman, banjur balik meneh ing Indonesia, sinau bahasa Jerman entuk sertifikat bahasa Jerman lan teka ing Pforzheim. Dheweke kudu adaptasi ing Negara Jerman sing duwe kultur dhewe tuladhane kudu disiplin.
Karier besut
Chris ngewiwiti kariere saka sukalila ninggalake kuliahe sing ning Institut teknologi Bandung kanggo sinau bahasa Jerman supaya bisa sekolah ing Sekolah Tinggi Desain Fakultas Desain Industri jurusan transportasi ing Pforzheim, Jerman. Chris duwe tekad ora balik ing Indonesia sakdurunge entuk pagawean. Nalika ing tengah-tengah dalan isih sekolah ing Pforzheim, Chris jajal nyedaki saperangan perusahaan otomotif gede kanggo magang. Dheweke jajal ngirimke portofolio ing saperangan pabrik kaya Volkswagen, Volvo, Saab, Audi nanging ketampa ing VolksWagen.[2] Nalika semester 6 ing Pforzheim, Chris praktek suwene nem wulan ing pabrik Volkswagen, ing Wollfsburg. VolksWagen nawari Chris praktek meneh suwene rong wulan kanggo dawakake masa prakteke sing suwene siji semester meneh lan ngerampungake tingkat diplomingenieur utawa sejajar karo master. sakwiise kuwi, manajemen VolksWagen nawani Chris gabung lan dheweke resmi dadi karyawan VolksWagen wulan April 1997. Chris wis 20 taun dadi desainer mobil ing Volkswagen AG, Jerman. Ing taun 2007, Chris bareng-bareng karo time, Boris Grell sing ngrancang interior saka Slowak lan Susanne Garken saka Jerman sing ngrancang cemeng mobil, kapilih kanggo desain The Beetle. Dheweke kabèh ngalahke pitung proposal. Saiki Chris kerja ing VolksWagen suwene 40 jam seminggu, wektu istilahe suwene 45 menit saben dinane. Chris isih nyimpen Volkswagen seri lawas, ya iku 1962, 1967, lan 1971.
Prestasi besut
- Desain garapane Chris ya iku Mobil VolksWagen pernah dinobatke dadi World Car of The Year 2012 ing New York International Auto Show.
- Mobil rancangane gaya retro dadi bintang ing Pameran Auto Show Frankfrut lan ing The Beetle Premiere Berlin 2011.
- Chris nggarap Volkswagen karo kanca-kanca Klaus Bischoff lan Marco Antonio Pavone rancangane sing wis dipatenke lan kadaftar ing Amerikah Serekat taun 2008.
- Rancangan Mobil Volkswagen sing kali ketelune dinobatke dadi mobil terapik sakdurunge Volkswagen Polo ing taun 2010 lan Volkswagen Golf MK VI kondang ing taun 2009.[3]
Rujukan besut
- ↑ Liputan6.com (2018-06-08). "Mengenal Sosok Chris Lesmana, Desainer VW Terbaik dari Indonesia". liputan6.com (ing basa Indonesia). Dibukak ing 2019-05-20.
- ↑ Rahadiansyah, Rangga. "Semangat Chris Lesmana Sebelum Jadi Desainer Mobil Volkswagen". detikoto (ing basa Inggris). Dibukak ing 2019-05-20.
- ↑ "Chris Lesmana, Pria Asal Bandung Jadi Perancang Mobil Kelas Dunia". sooperboy.com (ing basa Inggris). Diarsip saka sing asli ing 2019-08-24. Dibukak ing 2019-05-20.