Christian Bromberger
Christian Brombeger ya iku ahli antropologi saka Paris, Prancis kalairan taun 1946[1]. Pendhidhikané Brombeger iku saka Licence de Lettres (BA) lan Certificat d’Ethnologie, Paris taun 1966. Sabanjuré ing Diploma of the Centre de Formation a la Recherche Ethnologique (CFRE), Paris taun 1969. Uga ana ing Habilitation en Ethnologie (equivalent of a Doctorate), University of Provence, Aix-en-Provence, taun 1990[2]. Panlitian lapangan antropologis ing Iran (awit 1971 nganti 2001), Itali ing Turin lan Naples (1980), lan Prancis (1972)[1]. Karya-karya antropologis kang wis diterbitké kaya déné Habitat, Architecture and Rural Society in the Gilân Plain (Northern Iran) (Habitat, architecture et société rurale dans la Plaine de Gilân (Iran septentrional, 1986) taun 1989, lan Le Match de football, ethnologie d’une passion partisane d Marseille, Naples et Turin The Soccer Match, Anthropology of a Partisan Passion in Marseilles, Naples and Turin) taun 1995[1][3]. Brombeger iki didhidhik ing rong tradisi utama antropologi ya iku strukturalisme Lévis Strauss lan kajian material budhaya Leroi-Gourhan. Dhéwéké dadi pelopor ing bab antropologi olahraga[1].
Rujukan
besut- ↑ a b c d Amit, Vered (2004). Biographical dictionary of social and cultural anthropology. London: Routledge. kc. 105. ISBN 020364459X. OCLC 436848672.
- ↑ "Christian Bromberger". Métro Politiques.eu. Dibukak ing 2017-12-18.
- ↑ "Christian Bromberger". UQAC. Dibukak ing 2017-12-18.