Cina Dharatan

Cina Dharatan, (Aksara Jawa: ꦕꦶꦤꦝꦫꦠꦤ꧀ ) yaiku laladan geopolitig lan pratalawimba sangisoring yurisdhiksi langsung saka Républik Rakyat Cina. Cina dharatan iku kalebu pulo Haynan lan kanthi politig ora kalebu Hong Kong utawa Makaw sanadyan kalorone isih nduwe laladan ana ing kono.

Ana rong tembung ing Cina kanggo ngarani Dharatan yaiku

• Dàlù (大陆; 大陸), tegese dharatan utawa nuswabaga
• Nèidì (内地; 內地), tegese dharatan njero ing gathukane karo Hong Kong sarta Makaw.

Ing GRC (Républik Rakyat Cina), panggunaning tembung loro iku mau ora bisa dimolah-malihke siji lan sijine. Lan kanggo nyethakake gagathukan (Ind: hubungan) sing padha ing paribawane yaiku ngenani gagathukan Sabrang Supitan (Ind: lintas selat), tembung sing baku nalika rerembugan karo Taywan yaiku sisih dharatan (Cina Dharatan). Ananging, nalika rerembugan karo Hong Kong lan Makaw tembung sing dinggo yaiku Paprentahan Pusat Rakyat.

Maneh, tembung laladan dharatan iku sarupa tembung isen tambah (Ing: complementary) kanggo tembung Laladan Luwaring Républik Cina (Ind: area bebas republik Cina) ing konstitusining GRC.