Colenak
Colenak utawi ingkang dipunmangertosi minangka tape bakar inggih punika nama ingkang dipunparingaken dhumateng dhaharan ingkang dipundamel saking peuyeum (tapé téla) ingkang dipunbakar lajeng dipundhahar kanthi cara dipuncocol dhateng gula jawa ingkang sampun cair lajeng dipuntambah kaliyan serutan klapa.[1][2] Dhaharan punika asalipun saking kutha Bandung ingkang dipuntepangaken déning Aki Murdi ing taun 1930.[3] Anggénipun maringi nama dhaharan punika saking tembung ing Basa Sunda, dicocol énak. Wonten ing teknik masakipun kandhutan gula wonten ing tapé damel tapé kasebat gampil gosong, sinaosa mekaten tumrap sapérangan tiyang punika kalebet bagiyan ingkang paling eco.
| 250px | |
| Panggonan asal | Indonesia |
|---|---|
| Tlatah utawa praja | Jawa Barat |
| Digawé | Suku Sunda |
 Buku masakan: Colenak  Médhia: Colenak | |
Dhaharan punika kalebet dhaharan ingkang khas Bandung. Salah satunggaling papan ingkang nyadé dhaharan ingkang nyadé colenak punika inggih Colenak Murdi Putra wonten ing margi Ahmad Yani Bandung.[3] Papan ingkang dipunwarisaken sedangunipun 3 generasi saking pangripta pisanan Aki Murdi lan samenika sampun wonten variasi sanèsipun inggih punika colenak raos duren lan nangka.
Kondhangipun colenak dipundadosaken tembang kadosta tembang dolanan "Colenak beuleum peuyeum digulaan".[4][5] Cakepan kalebet colenak ingkang eco kanthi regi sedasa pérak (ing taun 2013 reginipun 5 èwu rupiah).
Rujukan besut
- ↑ Situs Hobi Masak: Resep Colenak
- ↑ Kompas Travel: Rasa Unik Colenak dan Uli Bakar
- ↑ a b Harian Kompas, Minggu 28 Juli 2013. Hal 1 dan 11
- ↑ Kawih Degung Colenak
- ↑ "Peuyeum Bandung Kamashur". Diarsip saka sing asli ing 2016-03-04. Dibukak ing 2018-01-05.