Curug Sumba

Curug Sumba dumunung ing tlatah Desa Tlahab Kidul, Kecamatan Karangreja, Purbalingga, Jawa Tengah. Salah sawijining papan wisata kang akeh diparani para wisatawan.

Curug Sumba ana ing lereng Gunung Slamet. Iku sebabe hawane dadi adem. Saka kutho Purbalingga mung butuh wektu kurang luwih 20 menit.

Papan wisata Curug Sumba iki akeh ditekani wisatawan saka Purbalingga lan saka njaba wilayah Purbalingga. ^[1]

Curug Sumba nduweni rong grojogan, sing miline banter banget. Ing mangsa ketiga, bisa katon apik banget amarga banyu blumbange bakal dadi ijo.

Ing Purbalingga dhewe, cacahe curug ana akeh banget. Ora gumun kabupaten iki diarani kutho sewu grojogan utawa curug.

Dalan tekan Curug Sumba lumayan gampang ditekani nganggo kendaraan roda loro, nglewati dalan watu. Rega tiket mung 5000/uwong, nanging bisa malih manut kebijakan pengelola papan wisata.

Curug Sumba nduweni fasilitas kaya area parkir, toilet, kolam renang, gazebo, taman, warung makan, lan musala. ^[2]

Rujukan

↑ Kurniawan (2022-5-6). "Curug Sumba Purbalingga Jadi Salah Satu Obyek Wisata Alam Banyak Dikunjungi Wisatawan". lensapurbalingga.com. Diarsip saka asliné 2022-06-08. Dibukak ing 2024-06-01. {{cite web}}: Check date values in: |date= (pitulung)CS1 maint: bot: original URL status unknown (link)
↑ Media, Kompas Cyber (2024-05-18). "Curug Sumba Purbalingga: Daya Tarik, Harga Tiket, dan Jam Buka". KOMPAS.com (ing basa Indonesia). Dibukak ing 2024-06-01.

[1] Kurniawan (2022-5-6). "Curug Sumba Purbalingga Jadi Salah Satu Obyek Wisata Alam Banyak Dikunjungi Wisatawan". lensapurbalingga.com. Diarsip saka asliné 2022-06-08. Dibukak ing 2024-06-01. {{cite web}}: Check date values in: |date= (pitulung)CS1 maint: bot: original URL status unknown (link)

[2] Media, Kompas Cyber (2024-05-18). "Curug Sumba Purbalingga: Daya Tarik, Harga Tiket, dan Jam Buka". KOMPAS.com (ing basa Indonesia). Dibukak ing 2024-06-01.

[1]

[2]