Désa-désa Sajarah Shirakawa-gō lan Gokayama
Désa-désa Sajarah Shirakawa-gō lan Gokayama iku salah siji Situs Warisan Donya UNESCO sing ana ing Jepang. Situs iki papané ana ing lembah kali Shogawa sing mili sadawaning wates Préfèktur Gifu lan Préfèktur Toyama ing tengahing Jepang. Shirakawa-gō (白川郷, "Dhaérah kuna Kali Putih") papané ana ing désa Shirakawa, Préfèktur Gifu, déné Gokayama (五箇山, "Limang Wukir") papané ana ing antaraning désa Kamitaira lan désa Taira ing Nanto, Préfèktur Toyama.
| Désa-désa Sajarah Shirakawa-gō lan Gokayama | |
|---|---|
| Janeng ing Pratélan Warisan Donya | |
 | |
| Jinis | Cultural |
| Wewaton | iv, v |
| Rujukan | 734 |
| Tlatah UNESCO | Asia-Pasifik |
| Sujarah prasasti | |
| Prasasti | 1995 (Sési Ka-19) |
Désa-désa iki moncèr lantaran gagrag wewangunaning omah-omahé nganggo gagrag sing diarani gasshō-zukuri (合掌造り). Gagrag gasshō-zukuri utawa "wangun tangan-pandonga" iku dicirèni saka payoné sing saka damèn lan ndronjong kaya ta rong tangan sing lagi nyuwun donga. Wangunan iki misuwur awit kuwaté lan damènané sing kusus bisa nahan aboté salju nalika mangsa salju. Pomahan agagrag iki adaté magrong lan dumadi saka telung utawa patang tingkat sajeroning panyoné. Sajarahé, omah iki kanggo papan sing ndunungi wong satrah lan bisa kanggo manéka warna kridha.
Wewengkon désa iki 96% isih wujud gunung alasan. Sadurungé wahana mesin lumebu désa iki, mung ana sawatara bana cilik sing sumebar sadawaning lempong kali sing bisa kanggo tetanèn lan pomahan. Tingkat ndhuwur omah gasshō racaké kanggo tetanèn sunga, déné lowahan sangisoring tingkat dhasar asring kanggo produksi sendawa, ya iku salah sawijining lakar kanggo nggawé obat mercon.
Pagambaran
besut-
Prapèn ing Désa Shirakawa-gō -
Désa Shirakawa-gō nalika mangsa rontog
