Dabeli
Dabeli utawa dabeli kutchi utawa roti dabeli (Dewanagari: दाबेली - कच्छी दाबेली) iku pacitan kondhang saka Indhi, sing asalé saka tlatah Kutch utawa Kachchh ing Gujarat. Panganan sing rasané pedhes iki digawé saka campuraning kenthang godhog lan masala sing mligi kanggo dabeli. Campuran mau banjur dikempit ing ladi pav (roti burger) lan diajang nganggo catni (chutney). Catni mau digawé saka asem, kurma, bawang, lombok abang, lsp. lan direngga mawa dlima lan kacang panggang. Rata-ratané, saben dinané ana 2 yuta dabel sing dipangan ing saindenging Kutch.
 | |
| Jeneng liyané | Dabeli kutchi, roti dabeli |
|---|---|
| Jinis | Pacitan |
| Panggonan asal | Indhi |
| Tlatah utawa praja | Kutch |
| Woworan pokok | Kenthang, masala, pav (roti burger) |
 Buku masakan: Dabeli  Médhia: Dabeli | |
Asal
besutDabeli ing basa Gujarat sacara literal tegesé "dipenet".[1] Panganan iki jaré diréka déning Keshavji Gabha Chudasama aliyas Kesha Malam, warganing Mandvi, Kutch ing taun 1960-an. Nalika miwiti bisnis, dhèwèké adol dabeli sing diregani sa-anna utawa nem paisa. Tokoné isih ana ing Mandvi lan bisnisé saiki dilakokaké déning turunané.
Awit saka iku, dabeli asalé saka Mandvi, sawijining kutha ing tlatah Kutch lan tekan saiki dabeli masala sing digawé ing kutha mau ingaran dabeli sing otèntik. Dabeli mau uga diarani dabeli kachchhi utawa dabeli kutchi kanggo nengeri ing ngendi asalé. Kajaba Mandvi, kutha Bhuj lan Nakhatrana ing Kutch uga misuwur awit saka dabeliné sing ingaran asli.