Deep Blue
Deep Blue iku siji komputer catur kang digawé déning IBM.
Deep Blue iku komputer pisanan kang menangaké siji dolanan catur nglawan siji jawara donya (Garry Kasparov) ing sajeroning wektu standar siji turnamèn catur. Kamenangan pisanané (sajeroning tetandhingan utawa babak pisanan) dumadi tanggal 10 Fèbruari 1996, lan wujud dolanan kang misuwur banget. Nanging Kasparov banjur menangaké 3 tetandhingan liyané lan olèh asil remis ing 2 tetandhingan sabanjuré, saéngga ngalahaké Deep Blue kanthi asil 4-2.
Deep Blue banjur diupgrade manèh kanthi gedhèn lan tandhing manèh nglawan Kasparov sasi Mèi 1997. Sajeroning tetandhingan enem babak mau Deep Blue menang kanthi asil 3,5-2,5. Babak pungkasané rampung tanggal 11 Mèi. Deep Blue dadi komputer pisanan kang ngalahaké jawara donya terus.
Komputer iki saiki wis "dipensiunaké" lan dipajang ing Musiyum Nasional Sajarah Amérika (National Museum of American History), Amérikah Sarékat.