Dieng (tuwuhan)

Dieng (Chenopodium album) salah sawijining tuwuhan arupa sayuran utawa jejanganan, ingkang dibudayakake masyarakat Jawa. Miturut paneliten K. Heyne sajroning buku Tumbuhan Berguna Indonesia I-IV (Badan Penelitian dan Pengembangan Kehutanan Departemen Kehutanan, 1987), sakliyane diarani dieng, ana uga ingkang ngarani tuwuhan iki bieng.

Sajroning buku kasebut diandharake dieng kalebu tuwuhan musiman. Cabange lurus lan bisa tuwuh nganti kadhuwuran 0,5-2,5 m. Awit jaman rumiyin ing pegunungan Tengger, tuwuhan iki dibudidayakake kanggo sayuran utawa jejanganan. Nanging, ing dhaerah liya wonten ing kadhuwuran 1.200-3.000 m dpl. Kaya ta ing Tangkuban Perahu tuwuhan iki namung dijarake. Sakjane tuwuhan iki cekap akeh ngebaki lemah utawa lemah-lemah tani duweke rakyat.

Sanajan angel ditepangi lan dingerteni manpaate, nanging jeneng dieng malah dadi kaloka awit dilestarikake dadi jeneng kawasan lemah dhuwur Dieng. Nanging, masyarakat jaman saniki ora mangerti bilih dieng utawa bieng iku sejatine jeneng tuwuhan ingkang tau ngrembaka ing wilayah iku.^[1]

Arane Desa

Desa-desa ing Jawa Tengah/Jawa Wetan/DIY ingkang migunakake jeneng dieng dadi jeneng desa, ya iku:


No.	Desa/Kelurahan	Kecamatan	Kabupaten
1.	Dieng Wetan	Kejajar	Wonosobo
2.	Dieng Kulon	Batur	Banjarnegara

Rujukan

↑ Santosa, Iman Budhi (2017). Suta Naya Dhadhap Waru. Yogyakarta: Interlude. kc. 109. ISBN 978-602-6250-42-1.

[1] Santosa, Iman Budhi (2017). Suta Naya Dhadhap Waru. Yogyakarta: Interlude. kc. 109. ISBN 978-602-6250-42-1.

[1]