Douglas Booth
Douglas John Booth (lair 9 Juli 1993) iku sawjining aktor Inggris. Dhèwèké dadi kawentar sawisé maragakaké Boy George ing filem BBC Two Worried About the Boy (2010). Dhèwèké uga main ing gubahan BBC saka roman Great Expectations lan Christopher and His Kind (loro-loroné taun 2011).
Ing taun 2013, Booth mbintangi filem Romeo & Juliet gubahané Carlo Carlei. Ing taun 2015, dhèwèké main ing filem Jupiter Ascending sing disutradani para Wachowski. Banjur dhèwèké ya mèlu main ing Pride and Prejudice and Zombies (2016) lan Loving Vincent (2017).
Pawiyatan
besutBooth iku ya tau sekolah swasta, ing Solefield School, sekolah swasta kanggo bocah-bocah lanang ing Sevenoaks, Kent, banjur ing Bennett Memorial Diocesan School, sawijining sekolah negeri sing diréwangi para sukalilawan Gréja Anglikan Inggris ing Royal Tunbridge Wells (Kent), lan Lingfield Notre Dame School, sawijining sekolah swasta désa Lingfield, Surrey.
Urip pribadi
besutBooth urip saomah karo adhiné wadon ing Bermondsey, London. Ing taun 2015, dhèwèké diarani minangka salah sawijiné wong lanang Britania sing paling apik dhéwé olèhé dandan ing pratélané GQ's 50 Best Dressed British men. Dhèwèké nyengkuyung kampanye féminis HeForShe lan nganggep awaké dhéwé minangka "suporter fanatik hak-hak gender sing padha". Dhèwèké yang-yangan karo Bel Powley wiwit taun 2016, sawisé ketemu awaké nalika syuting filem Mary Shelley.
Filmografi
besutFilem
besut| Taun | Sesirah | Paraga | Cathetan |
|---|---|---|---|
| 2006 | Hunters of the Kahri | Sagar | |
| 2009 | From Time to Time | Sefton | |
| 2012 | LOL | Kyle Ross | |
| 2013 | Romeo & Juliet | Romeo Montague | |
| 2014 | Noah | Shem | |
| 2014 | The Riot Club | Harry Villiers | |
| 2015 | Jupiter Ascending | Titus Abrasax | |
| 2016 | Pride and Prejudice and Zombies | Mr. Charles Bingley | |
| 2016 | The Limehouse Golem | Dan Leno | |
| 2017 | Loving Vincent | Armand Roulin | |
| 2017 | Mary Shelley | Percy Bysshe Shelley | |
| TBA | Gore | Jamie | Saiki ora/durung dibabar |
Télévisi
besut| Taun | Sesirah | Paraga | Cathetan |
|---|---|---|---|
| 2010 | Worried About the Boy | Boy George | Filem TV |
| 2010 | The Pillars of the Earth | Eustace IV | Miniséri |
| 2011 | Christopher and His Kind | Heinz Neddermayer | Filem TV |
| 2011 | Great Expectations | Philip "Pip" Pirrip | Miniséri |
| 2012 | In Love with Dickens | Ham Peggotty | Filem TV |
| 2015 | And Then There Were None | Anthony Marston | Miniséri |
Buku audio
besut| Taun | Sesirah | Paraga | Cathetan |
|---|---|---|---|
| 2017 | Northanger Abbey | John Thorpe | |
| 2017 | Scarlet City Part I, II, III | Jonah |