Eko DJ (lair ing Malang, 7 Januari 1952 – pati ing Jakarta, 27 Maret 2017 ing umur 65 taun) inggih punika salah satunggalipun paraga filem lan sinétron ugi pelawak saking Indonésia. Piyambakipun kalebet salah satunggalipun punggawa kelompok lawak Srimulat. Namanipun langkung misuwur sasampunipun kadhapuk maragani minangka Pak Baroto ing sinétron Jinny oh Jinny taun 1997. Kajawi saking punika, Eko DJ ugi naté dipunpracaya ndhèrèk main wonten Jinny Lagi Jinny Lagi taun 2003. Wondéné taun 2004, piyambakipun maragani wonten Untung Ada Jinny lan Asmara Banyak Canda. Taun 2005, Eko DJ dipunpracaya ing judhul Abu Nawas. Sinétron Siapa Berani Jadi Janda ingkang kagiyaraken taun 2008 ugi naté ndhapuk Eko DJ. Semanten ugi Kulawarga Masa Kini ing taun 2014. Sadèrèngipun tilar donya, taun 2016, piyambakipun taksih dipunpracaya wonten sinétron Jinny Oh Jinny Datang Lagi. Kajawi sinétron, Eko DJ ugi maragani sawenèh filem lan pariwara.

Eko DJ

Adicara TV besut

  • Srimulat (TVRI, 1986-1987)
  • Srimulat (Indosiar, 1995-2003)
  • Srimulat Plus (SCTV, 1992 & Indosiar, 2006)
  • Srimulat Cari Bakat (ANTV, 2008-2011)
  • Srimulat Night Live (NET., 2014)

Filem besut

Pariwara besut

Séda besut

Eko DJ tilardonya wonten griyanipun, Jalan Malaka Selatan, Blok.A12/43, Pondok Kelapa, Jakarta Timur, Senin, 27 Maret 2017 tabuh 23:00 WIB, awit saking nandang sakit gagal ginjel lan gagal jantung ingkang sampun dipunraosaken cekap dangu. Jasadipun disarèkaken wonten Taman Pemakaman Umum Pondok Kelapa dinten Selasa, surya 28 Maret 2017.[1][2][3]

Rujukan besut

  1. CNN Indonesia: Pelawak Srimulat Eko DJ Tutup Usia kapundhut 28 Maret 2017
  2. TribunNews: BREAKING NEWS: Eko DJ Meninggal Dunia kapundhut 28 Maret 2017
  3. Showbiz Liputan6: Eko DJ Meninggal Dunia kapundhut 28 Maret 2017