Embung Jlamprong

Embung Jlamprong Papan Wisata Enggal Wonten ing Gunungkidul Embung Jlamprong menika dumunung wonten ing dhusun Mojo, Desa Ngeposari, Kecamatan Semanu, Kabupaten Gunungkidul, Yogyakarta. Titik Koordinat GPS Embung Jlamprong -8.010699,110.676966. Embung Jlamprong menika kagolong papan wisata ingkang taksih enggal, ingkang nembe pungkasan dipunbangun wonten ing warsa 2016. Embung menika boten sami kaliyan embung-embung sanesipun wonten ing Gunungkidul ingkang wonten ing lokasi ketinggian kadosta Embung Batara Sriten, Embung Nglanggeran lan Embung Gunung Panggung. Embung Jlamprong menika wonten ing dataran rendah lan panggenanipun saged dipunpanggihi. Menawi dipunpirsani, Embung Jlamprong menika jarakipun kirang langkung 60 km saking kitha Yogyakarta. Menawi ngginakaken kendaraan sekitar satunggal jam langkung tigang dasa menit. Kanthi rute yogyakrata > ringroad ketandan > jl. Wonosari > perempatan sampaan > piyungan > bukit bintang > patuk > sambipitu > bunder > pasar wonosari > baleharjo > semanu > semanu > setelah balai desa ngeposari belok ke kanan terdapat plakat Embung Jlamprong. Kaendahan wonten ing Embung Jlamprong menika margi ingkang dipunlewati menika boten angel amargi sampun dipunaspal, pramuila nggampilaken wisatawan ingkang badhe ngraosaken kaendahan embung menika. Embung Jlamprong menika dipunbangun kanthi luas 1,5 hektar lan nembe dipunresmikaken wonten ing warsa 2016 menika. Wonten ing Embung Jlamprong menika wonten penampungan banyu ingkang radi wiyar ingkang dipunbangun mekaten wau kangge narik kawigasosaning wisatawan. Ananging wonten ing Embung menika toya ingkang wonten boten kebak amargi namung njagakaken toya jawah. Menawi musim jawah menika toyanipun kebak lajeng ndadosaken embung menika langkung menarik. Kangge fasilitas wonten Embung Jlamprong menika langkung minim, warung ingkang wonten ing mriku namung taksih satunggal saha kirangipun papan kangge ngeyup menawi wonten ing siyang menika taksih minim. Kangge harga tiket masukipun taksih gratis, parkiripun ugi taksih gratis. Menawi badhe wisata wonten ing Embung menika boten angsal buang sampah sembarangan saha boten angsal renang, namung dipunangsalaken wonten ing njawi pager pembatas embung.

Sumber referensi : Wahyu, Venantius. 2016. Pesona Embung Jlamprog, Destinasi Wisata Baru di Gunungkidul. Diakses dari https:www.gunungkidulku.com pada tanggal 10 Januari 2019.