Empal gepuk yaiku panganan khas Sunda kang digawé saka daging sapi kang diiris tipis.[1] Panganan iki diarani empal gepuk amarga nalika nggawé, dagingé digepuk nganti gèpèng. Empal gepuk padatan dinggo lawuh karo sega, sega timbel, sega uduk, lan sapanunggalé.[1]

Empal gepuk uga kanggo lawuh sega kuning

Bedha saka empal genthong kang diguhake nganggo duduh, empal gepuk disuguhake tanpa duduh utawa garingan. Daging kang padatan dinggo nggawé empal gepuk yaiku pupu sapi. Daging iku digodhog banjur digepuk-gepuk nganti amba wujudé. Daging iku dimasak bareng karo santen, bumbu sarta godhong salam lan banyu asem Jawa. Sawisé dimasak nganti asat lan garing, daging banjur digorèng.[2]

Cathetan sikil besut

  1. a b Nyam Nyam... Empuknya Si Empal Gepuk!(dipuntingali tanggal 22 Agustus 2012)
  2. Okefood: Menu Sunda di Hotèl Bintang Lima (dipuntingali 24 Agustus 2012)