Emprit kaji
| Emprit kaji | |
|---|---|
| |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Aves |
| Ordho: | Passeriformes |
| Famili: | Estrildidae |
| Génus: | Lonchura |
| Spésies: | L. maja |
| Jeneng binomial | |
| Lonchura maja (Linnaeus, 1766) | |
Emprit kaji (Lonchura maja), utawa ing basa Indonésia diarani bondol haji, ya iku manuk kang kalebu ing kulawarga Estrildidae lan urip ing Semenanjung Malaya, Sumatera, Jawa, Bali lan pulo-pulo sakiwatengené. Manuk iki karan emprit kaji amarga duwé endas putih kang kayadené nganggo pèci kaji.
Asal
besutAsal lan filogèni emprit kaji dicirèni déning Antonio Arnaiz-Villena et al.[1] kalebu Estrildinae kang asalé saka India, banjur sumebar menyang Afrika lan Samodra Pasifik.
Titikan
besutAwaké cilik (11 cm) lan warna wuluné soklat lan putih. Saèmper karo emprit ireng (Lonchura ferruginosa) nanging luwih pucet, déné sirahé warna putih. Nalika isih enom rupané soklat enom ing pérangan awak ndhuwur, déné sisih ngisor lan endhas wernané kuning tuwa. Mripaté wernané soklat, cucuké klawu semu biru, sikilé biru pucet. Swarané dhuwur kaya déné suling uniné puip nalikané klumpuk bareng liyané.[2]
Ras
besutEmprit kaji kapérang dadi subspesies:[3]
- L.m. maja
- L.m. viatnemensis (ing Indochina)
Sebaran & habitat
besutManuk iki sumebar ing Semenanjung Malaya, Sumatera, Jawa, Bali, lan Sulawesi, Thailand & Vietnam sisih kidul. Uga digawa ing Jepang (Osaka & Okinawa).[4][5]
Ing Sumatra, Jawa lan Bali manuk iki umum tinemu lan sumebar nganti papan kang dhuwuré 1.500 m saka sagara.[2]. Asring tinemu ing rawa lan sawah, manuk iki seneng mangan pari.[6]
Papan urip
besutGampang tinemu ing rawa, rawa gelagah nganti panggonan kang dhuwuré 1.500 m saka sagara. Nggrombol kanthi cacah kang akèh nalikané mangsa panèn pari, nanging sumebar pasang-pasangan nalikané ungsum kawin. Tingkahé kaya déné emprit lumrahé.[4]
Tumangkar
besutLumrahé, emprit kaji urip nggrombol bebarengan tanpa pasangan. Nanging ing mangsa kawin, banjur padha pepasangan.[7] Endhogé cacah 4-5, kadhang-kadhang 6, warna putih ing susuh bunder saka sesuketan. Ing Jawa Barat, mangsa kawiné diwiwiti ing sasi Fèbruari.
Basa liya
besut- Basa Céko: panenka bělohlavá[8]
- Basa Jerman: Weißkopfnonne[8]
- Basa Inggris:White-headed Munia[8]
- Basa Italia: Cappuccino testabianca[8]
- Basa Walanda: Witkopnon[8].
Gladri
besut
Rujukan
besut- ↑ Arnaiz-Villena, A (2009). "Estrildinae Finches (Aves, Passeriformes) from Africa, South Asia and Ostrali: a Molecular Phylogeographic Study" (PDF). The Open Ornithology Journal. 2: 29–36. doi:10.2174/1874453200902010029. Diarsip saka sing asli (PDF) ing 2012-03-18. Dibukak ing 2017-04-28.
{{cite journal}}: Unknown parameter|coauthors=ignored (|author=suggested) (pitulung) - ↑ a b
Austria. 2000. Panduan Lapangan Burung-burung di Sumatera, Jawa, Bali dan Kalimantan. LIPI-Birdlife Int'l IP. Hal. 426.
- ↑ Robson & Allen 2005, kc. 139.
- ↑ a b Kutilang Indonesia: Bondol Haji Archived 2014-07-15 at the Wayback Machine.
- ↑ Brazil 2009, kc. 452.
- ↑ Biologi Undip: Bondol Haji Archived 2017-03-09 at the Wayback Machine.
- ↑ White-headed Munia
- ↑ a b c d e Avibase:Bondol Haji (Lonchura maja) (Linnaeus, 1766)-Avibase
Pustaka
besut- Robson, Craig; Allen, Richard (2005). New Holland Field Guide to The Bird of South-East Asia:Thailand, Peninsular Malaysia, Singapore, Vietnam, Cambodia, Laos, Myanmar [Panduan Burung Asia Tenggara New Holland;Thailand, Peninsular Malaysia, Singapore, Vietnam, Cambodia, Laos, Myanmar] (ing basa Inggris). New Holland Publisher. ISBN 978-1-84330-746-4.
- Brazil, Mark (2009). Birds of East Asia; Eastern China, Taiwan, Koréa, Japan, Eastern Russia [Burung Asia Timur; China Timur, Taiwan, Koréa, Jepang, Rusia Timur] (ing basa Inggris). Cristopher Helm. ISBN 978-0-7136-7040-0.
- Jeyarajasingnam, Allen (2012). A Field Guide to the Birds of Peninsular Malaysia and Singapore [Buku Panduan Burung-Burung Semenanjung Malaysia dan Singapura] (ing basa Inggris). Oèford University Press. ISBN 978-0-19-963943-4.
Pranala njaba
besut- Flickr: Foto Emprit haji
- FOBI-Foto Biodiversitas Indonesia: Lonchura maja[pranala mati permanèn]
- lonchura maja indeè[pranala mati permanèn]
- Kehidupan bondol haji diceritakan di youtube ini
- BirdLife Species Factsheet
