Florence and the Machine

Florence and the Machine (utawa Florence + the Machine) ya iku sawijining grup musik indie saka Inggris kang anggotané Florence Welch, Isabella Summers, uga kolaborasi karo musisi liyané. Grup iki olèh aprésiasi lan dipuji karo média musik sadurungé kondhang, salah sawijiné ya iku BBC. BBC akèh mènèhi kontibusi kanggo grup iki amarga ngréwangi anggoné promosi kang dadi péranganing BBC Introducing.

Florence and the Machine nalika ing Spanyol 2010

Grup iki duwé album debut sing diwènèhi judhul Lungs kang rilis 6 Juli 2009 lan bisa nggayuh posisi loro ing limang minggu awal ing UK Albums Chart. Nalika 17 Januari 2010, album iki bisa olèh papan nomer siji sawisé 28 minggu. Oktober 2010, album iki ana ing top-forty United Kingdom sawisé 65 minggu lan bisa dadi album paling laris antaraning taun 2009-2010. Album studio ke-2, Ceremonials, rilis nalika Oktober 2011, dadi nomer siji ing UK lan nomer enem ing US.

Musiké Florence and the Machine diandharaké minangka kombinasi saka manéka warna génre, kalebu musik rock lan musik soul. Lungs bisa olèh MasterCard British Album award ing 2010 BRIT Awards. Nalika 53rd Grammy Awards, Florence and the Machine dadi nominasi ing Best New Artist. Saliyané, grup iki tampil ing 2010 MTV Video Music Awards, lan the 2010 Nobel Peace Prize Concert.